Bangladesh Onion Export: भारताच्या कांद्याला जगभरात मागणी असली, तरी अस्थिर निर्यात धोरण आणि वेगाने बदलणारी जागतिक बाजारपेठ यामुळे भारतीय कांदा निर्यात नव्या स्पर्धेच्या वळणावर आली आहे. भारताकडून मोठ्या प्रमाणात कांदा आयात करणारा बांगलादेश आता स्वतःच्या कांद्यासाठी परदेशी बाजारपेठा शोधत आहे. श्रीलंकेच्या बाजारपेठेत कांदा, बटाटा निर्यातीची शक्यता तपासण्यासाठी बांगलादेश व्यापार पथक पाठविणार आहे. त्यामुळे भारतीय कांद्याच्या प्रमुख बाजारपेठांपैकी एका बाजारपेठेत पर्यायी पुरवठादाराची चाचपणी सुरू झाली आहे..हॉंगकॉंग येथे नुकत्याच झालेल्या अकराव्या बेल्ट अँड रोड शिखर परिषदेच्या पार्श्वभूमीवर बांगलादेशचे वाणिज्यमंत्री खंदकार अब्दुल मुक्तादिर आणि श्रीलंकेचे व्यापारमंत्री वसंत समरसिंघे यांच्यात झालेल्या बैठकीत या बाबत चर्चा झाली. बांगलादेशची कृषी उत्पादन क्षमता, श्रीलंकेतील बाजारभाव, मागणी आणि प्रादेशिक पुरवठा साखळीचा अभ्यास करण्यासाठी हे पथक पाठविण्यात येणार आहे..Orange Export Challenges: बांगलादेश, नेपाळमधील अडथळ्यांनी संत्रा निर्यातीपुढे आव्हान.बांगलादेशमध्ये देशांतर्गत मागणी पूर्ण केल्यानंतर कांदा, बटाट्याचा अतिरिक्त साठा उपलब्ध असल्याचे तेथील वाणिज्यमंत्र्यांनी बैठकीत सांगितले. त्यामुळे या उत्पादनांसाठी नव्या निर्यात बाजारपेठांचा शोध घेण्यात येत आहे. श्रीलंकेने बांगलादेशकडून कांदा आणि बटाटा आयातीबाबत स्वारस्य व्यक्त केले आहे. या वृत्ताला बांगलादेशातील ‘द डेली स्टार’ या वृत्तसमूहाने दुजोरा दिला आहे..दरम्यान भारताच्या अस्थिर कांदा निर्यात धोरणामुळे बांगलादेशने देशांतर्गत कांदा उत्पादनाला चालना देत कांदा बियाण्याची आयात केली. तसेच कांदा उत्पादनात स्वयंपूर्णतेकडे वाटचाल करीत चालू वर्षात १७ जानेवारी २०२६ पासून बांगलादेशला भारतातून होणारी कांदा निर्यात जवळपास ठप्प आहे, अशी माहिती कांदा निर्यादारांनी दिली..Maharashtra Grape Growers Association: नवे वाण, मातीचे आरोग्य, नव्या तंत्राचे महत्त्व झाले अधोरेखित.केंद्र सरकारच्या धरसोडीच्या धोरणामुळे कांदा निर्यात अडचणीत आली. प्रमुख कांदा आयातदार बांगलादेश आता निर्यातदार म्हणून पुढे येत आहे. हे पाप सरकारच्या अस्थिर धोरणाचे आहे.- संतू पाटील झांबरे, ज्येष्ठ नेते, शेतकरी संघटना.भारतासाठी आव्हान केवळ अधिक कांदा उत्पादनाचे राहिलेले नाही. सातत्यपूर्ण पुरवठा आणि सर्वांत महत्त्वाचे म्हणजे खरेदीदारांचा दीर्घकालीन विश्वास टिकविणे ही कसोटी आहे. बांगलादेशचा श्रीलंकेकडे संभाव्य प्रवेश हा भारतीय कांदा निर्यात व्यवस्थेसाठी बदलत्या जागतिक स्पर्धेची चाहूल आहे.- विकास सिंग, उपाध्यक्ष, हॉर्टिकल्चर प्रोड्यूस एक्स्पोर्ट असोसिएशन ऑफ इंडिया.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
