Washington News: ‘‘भारताने रशियाकडून तेलखरेदी करणे सुरूच ठेवले, तर भारतावर प्रचंड प्रमाणात आयातशुल्क लादण्यात येईल,’’ अशी धमकी अमेरिकेचे अध्यक्ष डोनाल्ड ट्रम्प यांनी पुन्हा एकदा दिली आहे. रशियाकडून तेलखरेदी थांबविण्यात येणार असल्याची हमी पंतप्रधान नरेंद्र मोदी यांनी दिली आहे, असा दावाही त्यांनी या वेळी केला..‘एअर फोर्स वन’ या विमानात ट्रम्प पत्रकारांशी बोलत होते. ट्रम्प म्हणाले, ‘‘रशियाकडून भारत तेलाची खरेदी करीत राहिल्यास भारताला प्रचंड प्रमाणात आयातशुल्क भरावे लागणार आहेत. मात्र, भारत असे नक्कीच होऊ देणार नाही..California Import Ban: कॅलिफोर्नियातून आलेले कंटेनर पाठवले परत.मी याबाबत पंतप्रधान नरेंद्र मोदी यांच्याशी बोललो आहे. त्यांनीदेखील मला याबाबत आश्वासन दिले आहे. भारत रशियाकडून तेलखरेदी करीत असल्यामुळे रशियाला आर्थिक फायदा होत आहे. या आर्थिक फायद्यामुळेच रशिया युक्रेनसोबत युद्ध लढत आहे. भारताने रशियाकडून तेलखरेदी करणे तातडीने थांबविण्याची गरज आहे. तसे न केल्यास त्याचा गंभीर परिणाम होईल.’’.पाश्चिमात्य देशांनी सन २०२२ मध्ये रशियाने युक्रेनवर केलेल्या हल्ल्यानंतर रशियाकडून तेलखरेदी टाळली असून, व्यापारावर मोठ्या प्रमाणात निर्बंध लादले आहेत. त्यानंतर सवलतीच्या किमतीत विकल्या जाणाऱ्या आणि समुद्रमार्गातून वाहतूक केल्या जाणाऱ्या रशियन तेलाचा सर्वांत मोठा खरेदीदार भारत बनला आहे. त्यानंतर अमेरिकेने भारताच्या या कृतीला विरोध केला असून, भारतावर अतिरिक्त आयातशुल्क लादले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
