Jalgaon News: खानदेशात केळी दरात मागील काही दिवसांत सुधारणा झाली आहे. सध्या ९०० ते २००० रुपये प्रति क्विंटलचा दर मिळत आहे. कमी आवक व मागणी वाढत असल्याने दरात सुधारणा सुरूच आहे. .केळीचे किमान दर २०० ते ३०० रुपयांवरून ७०० ते ९०० रुपये प्रति क्विंटल असे झाले आहेत. काश्मिरात पाठवणुकीच्या केळीस २००० रुपये प्रति क्विंटलचा दर आहे. तसेच पंजाब, दिल्ली, राजस्थानात पाठवणुकीच्या केळीस १२००, १३०० ते १५०० रुपये दर मिळत आहे..Banana Rate: केळी दरात साडेचार महिन्यानंतर सुधारणा.खानदेशात मागील १५ ते २० दिवसांत केळी आवक सतत कमी झाली आहे. केळीची काढणी गतीन सुरू होती. मागील तीन दिवसांपासून केळीची आवक अत्यल्प स्थितीत आहे. सध्या आवक प्रतिदिन २५ ते ३० ट्रक (एक ट्रक १६ टन क्षमता एवढीच आहे. १२ दिवसांपूर्वी केळीचे कमाल दर १५०० रुपये प्रति क्विंटल (इराकमध्ये पाठवणुकीचे) असे होते व किमान दर २०० ते ३०० रुपये प्रति क्विंटल असे होते. पण १० ते ११ दिवसांत केळी दरात चांगली सुधारणा झाली आहे..Banana Farming: केळी उत्पादकांच्या शिवारफेरीत तज्ज्ञांचे शेतकऱ्यांना मार्गदर्शन.खानदेशात केळी आवक पुढेही कमीच राहील. नव्या बागांमधून केळी आवकेत जानेवारीच्या अखेरीस सुरुवात होईल. मध्य प्रदेशातील बऱ्हाणपूर येथील बाजार समितीतही केळीची आवक नीचांकी स्थितीत आहे. तेथे केळीची ३० ते ३१ ट्रक (एक ट्रक आठ ते १२ टन क्षमता) केळीची आवक झाली. तेथे किमान ३५१ व कमाल ८०० आणि सर्वोच्च ११०० रुपये प्रति क्विंटलचा दर केळीस आहे..दक्षिणेतून आवक सुरूदक्षिणभागातील आंध्र प्रदेशातून उत्तरेकडे केळीची आवक वाढत आहे. आंध्र प्रदेशातून पिलबागसह इतर बागांमधून केळीची आवक सुरू झाली आहे. ही आवक मागील आठ ते १० दिवसांत वाढली आहे. यामुळे उत्तरेत खानदेशातील केळीला स्पर्धा तयार होणार आहे, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
