Satara News: आले पिकाच्या दरात सुधारणा होऊ लागल्याने शेतकऱ्यांसाठी काहीसे दिलासादायक चित्र निर्माण झाले आहे. आल्याच्या प्रतिगाडीस (५०० किलोस) १७ ते १८ हजार रुपये दर मिळत आहे. प्रति गाडीमागे पाच ते सात हजार रुपयांची वाढ झाली आहे. .जिल्ह्यात गेल्या वर्षीपासून आले पिकाने दराबाबत निराशा केली आहे. सातत्याने होत असलेल्या दरातील घसरणीमुळे शेतकऱ्यांत नाराजी निर्माण झाली होती. नवीन लागवडीसाठी मार्च महिन्यात बियाण्यासाठी १२ ते १४ हजार रुपये दर मिळाला होता. यावेळी धुणीच्या आल्यास नऊ ते दहा हजार प्रति गाडी दर मिळाला होता..Ginger Price: आले पिकाच्या दरात तीन-चार हजार रुपयांनी सुधारणा.आले पिकाचे चार ते पाच वर्षांनी दर कमी-जास्त होण्याचे चक्र सुरू राहात असल्याचे शेतकऱ्यांकडून सांगितले जाते. यामुळे पुढील काळात आले पिकास दर राहणार नाहीत, असे समजून अनेक शेतकऱ्यांनी आले पिकास ब्रेक दिला आहे. एप्रिल ते जून महिन्यात सहा ते सात हजार रुपये प्रतिगाडीवर दर गेले होते. मात्र जुलै महिन्यात पिकाच्या दरात सुधारणा होण्यास सुरुवात झाली. जुलै अखेरीस प्रतिगाडीला ११ ते १२ हजार रुपये दर मिळाला होता..दर घसरण होत असल्याने जिल्ह्यातील ७५ ते ८० टक्के आले काढल्याने सध्या अवघे २० टक्के क्षेत्रावर पीक शिल्लक राहिले आहे. सध्या पिकास मागणी होत असून गाडीला १७ ते १८ हजार रुपये दर मिळत आहे. दरात संथगतीने वाढ होत असल्याने शेतकऱ्यांनी ‘वेट ॲण्ड वॉच’चे धोरण सुरू आहे..Ginger Research Center: आले संशोधन केंद्राचा पेच; कृषिमंत्र्यांच विधानपरिषदेत बैठकीचं आश्वासन .गणपती उत्सवात दरात वाढ होण्याचा अंदाज शेतकऱ्यांकडून व्यक्त होत आहे. व्यापाऱ्यांकडून नवे-जुने या पद्धतीने आले खरेदी केली जात आहे. जुन्या मालास प्रति गाडीस १७ ते १८ हजार, तर नव्या आल्यास चार ते साडेचार हजार रुपये दर मिळत आहे. दरातील सुधारणेमुळे पिकावर शेतकऱ्यांचे लक्ष वाढवण्यात आले आहे..निचांकी दरामुळे क्षेत्रात घटमागील वर्षापासून आले पिकाच्या दरात घसरण होण्यास सुरुवात झाली होती. एप्रिल ते जून महिन्यात सहा ते सात हजार रुपये प्रतिगाडीवर दर गेले होते. या निचांकी दराचा फटका पिकाच्या क्षेत्रात बसला आहे. दरातील घसरणीमुळे शेतकऱ्यांकडून कमी प्रमाणात बियाणे खरेदी झाले आहेत. काही शेतकऱ्यांनी बियाणे असताना आले लागवड करणे टाळले तर काहींनी कमी क्षेत्रावर लागवड केली आहे. जिल्ह्यात सरासरी तीन ते साडेतीन हजार हेक्टरवर लागवड होते. मात्र या वेळी ८०० ते एक हजार हेक्टरवर क्षेत्रात घट झाल्याचा तज्ज्ञांचा अंदाज आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
