Green Chilli Market: हिरव्या मिरचीच्या दरात मोठी घसरण झाल्याने वरूड-मोर्शी परिसरातील मिरची उत्पादक शेतकरी आर्थिक संकटात सापडले आहेत. क्विंटलला अवघे २३०० ते २८०० रुपये दर मिळत असल्याने उत्पादन खर्चाची भरपाई करणेही कठीण आहे..गेल्या वर्षी याच कालावधीत हिरव्या मिरचीचे दर क्विंटलला ११ हजार रुपयांपर्यंत पोहोचले होते. दोन वर्षांपूर्वी दिवाळीच्या आठवड्यातही मिरचीला किलोमागे ७० ते ७५ रुपये दर मिळत होता. त्या तुलनेत यंदा दरात मोठी घसरण झाली आहे..Chilli Cultivation: खानदेशात मिरची लागवड सुरू.गेल्या महिनाभरापासून मिरचीचे दर किलोमागे १८ ते २८ रुपये, तर क्विंटलमागे १८०० ते २८०० रुपयांच्या आसपास स्थिरावले आहेत. सध्याच्या बाजारभावात लागवड, खते, औषधे, मशागत आणि तोडणीचा खर्च भरून निघणेही अवघड झाले आहे. मिरची तोडणीसाठी मजुरांची उपलब्धता हीदेखील मोठी समस्या बनली आहे..एका मजुराकडून दिवसभरात साधारणतः २५ ते २८ किलो मिरची तोडली जाते. त्यासाठी ४०० रुपये मजुरी द्यावी लागते. म्हणजेच किलोमागे १२ ते १४ रुपये केवळ तोडणीवर खर्च होतात. त्यात वाहतूक, लागवड आणि अन्य उत्पादन खर्चाची भर पडते. त्यामुळे सध्याच्या बाजारभावात हाती फारसे काही उरत नाही, अशी शेतकऱ्यांनी सांगितले..Chilli Farming: मिरचीवर ‘भुरी’चा प्रादुर्भाव; पाने पिवळी.मिरची उत्पादक गोपाल मालपे (लोणी) यांच्या म्हणण्यानुसार, मिरची पीक घेण्यासाठी लागवडीपासून मशागतीपर्यंत मोठा खर्च येतो. त्यात तोडणीसाठी मजूर मिळणे कठीण झाले आहे. एका मजुराला दिवसभरात २५ ते २८ किलो मिरची तोडता येते. त्यासाठी ४०० रुपये मजुरी द्यावी लागते. त्यामुळे किलोमागे १२ ते १४ रुपये तोडणीवरच खर्च होतात..लागवडीपासून मिरची तोडणीपर्यंत मोठा खर्च करावा लागतो. किलोला पाच हजार रुपये क्विंटल असा दर मिळाल्यास फायदा होतो; अन्यथा नुकसान सहन करावे लागते. त्यामुळे हिरव्या मिरचीला योग्य भाव मिळणे आवश्यक आहे.शंतनू सोलव, शेतकरी, वरूड.या पिकाची साठवणूक करता येत नाही. आवक आणि मागणी यांच्यात तफावत निर्माण झाल्यास शेतकऱ्यांना परवडणारा दर मिळत नाही. त्यामुळे शासनाने या पिकालाही हमीभावाची व्यवस्था करावी.ओमप्रकाश उपाध्याय, वरूड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
