Amravati News: बाजारात हिरव्या हरभऱ्याची आवक वाढल्याने दरावर मोठा दबाव आला असून, किरकोळ बाजारात हिरव्या हरभऱ्याला अवघा २५ रुपये किलो दर मिळत आहे. सध्या व्यापाऱ्यांकडून हिरव्या हरभऱ्याचे व्यवहार प्रति एकरी ३० हजार रुपयांपर्यंत होत असल्याची माहिती शेतकऱ्यांनी दिली. महिनाभरापूर्वी हेच दर प्रति एकरी ६० ते ७० हजार रुपये होते. .सुरुवातीच्या काळात आवक कमी असताना घाटे असलेल्या व दर्जेदार हिरव्या हरभऱ्याला ग्राहकांकडून चांगली मागणी होती. त्या वेळी घाऊक बाजारात ६० ते ७० रुपये किलोपर्यंत दर मिळत होता. मात्र आता एकाच वेळी मोठ्या प्रमाणावर काढणी सुरू झाल्याने बाजारात आवक वाढली असून, त्याचा थेट परिणाम दरावर झाला आहे..Chana Cultivation: अठ्ठावीस लाख हेक्टरवर हरभऱ्याची लागवड.अचलपूर तालुक्यातील काकडा परिसरात सिंचन सुविधांच्या बळावर भाजीपाला, तसेच अन्य व्यावसायिक पिकांकडे शेतकऱ्यांचा कल वाढला आहे. गेल्या काही वर्षांपासून हिरवा हरभरा हे पीक नियमितपणे घेतले जात असून, चांगला परतावा मिळत असल्याने त्यात सातत्य आहे. सप्टेंबर महिन्यात हिरव्या हरभऱ्याची लागवड केली जाते. एकरी ६० ते ६५ किलो बोल्डर चणा बियाण्याचा वापर करण्यात येतो. सुमारे तीन महिन्यांत पीक काढणीस तयार होते..Chana Farming: घाटे अळी नियंत्रणासाठी एकात्मिक व्यवस्थापनावर भर.मागील महिन्यात हरभऱ्याचे दर तेजीत असल्याने व्यापाऱ्यांनी काही शेतकऱ्यांच्या शेतातील हिरवा हरभरा प्रति एकरी ६० ते ७० हजार रुपयांप्रमाणे खरेदी केला होता आणि तोडणीचे कामही पूर्ण झाले. मात्र सध्या आवक वाढल्याने दरात मोठी घसरण झाली असून, अनेक शेतकऱ्यांना अपेक्षेपेक्षा कमी दर मिळत असल्याने नुकसान सहन करावे लागत आहे. सध्या हिरव्या हरभऱ्याचे दर पंधराशे ते सोळाशे रुपये क्विंटल इतके असून, बाजारात सुमारे २०० टनांची आवक होत असल्याची माहिती व्यापाऱ्यांकडून देण्यात आली..फायदेशीर पीकपद्धतहिरव्या हरभऱ्याच्या काढणीनंतर काही शेतकरी गहू व कोरडा हरभरा ही पिके घेत असल्याने ही पीकपद्धती दीर्घकालीनदृष्ट्या फायदेशीर ठरत असल्याचा शेतकऱ्यांचा अनुभव आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
