Satara News : आले पिकाच्या दरात सुधारणा होऊन सध्या प्रति गाडीस (५०० किलोस) २४ ते २५ हजार रुपये दर मिळत आहेत. प्रति गाडीमागे साडेपाच ते सात हजार रुपयांची वाढ झाली आहे. ऑगस्ट महिन्यात दरात सुरू असलेली सुधारणा शेतकऱ्यांना गणेशोत्सवाच्या तोंडावर दिलासादायक ठरणार आहे. .पुढील सप्ताहात गणेशाचे आगमन होत असून, आले उत्पादक शेतकऱ्यांना दराचा गोडवा मिळाला आहे. दमदार पाऊस झाल्याने आले पिकाच्या मागणीत वाढ झाल्याने अवघ्या दहा दिवसांत दरात सरासरी सहा ते सात हजार रुपयांनी सुधारणा झाली आहे..Ginger Rate: आले पिकाच्या दरात सुधारणा.जुन्या मालास प्रति गाडीस २४ ते २५ हजार, तर नव्या आल्यास साडेपाच ते सात हजार रुपये दर मिळत आहे. गणेशोत्सवात आले दर किमान स्थिर राहण्याचा अंदाज व्यक्त केला जात आहे.या वर्षी एप्रिल ते जून महिन्यात सहा ते सात हजार रुपये प्रति गाडीवर दर गेले होते. मात्र जुलै महिन्यात पिकाच्या दरात सुधारणा होण्यास सुरुवात झाली..जुलै अखेरीस प्रतिगाडीला ११ ते १२ हजार रुपये दर मिळाला होता. मागील सप्ताहात गाडीला १७ ते १८ हजार रुपये दर मिळाला होता. मागील चार दिवसांत पावसामुळे आले काढणीची कामे ठप्प झाल्याने दरात सुधारणा सुरू झाली. सध्या जुन्या मालास प्रति गाडीस २४ ते २५ हजार, तर नव्या आल्यास साडेपाच ते सात हजार रुपये दर मिळत आहे..Ginger Price: आले पिकाच्या दरात तीन-चार हजार रुपयांनी सुधारणा.सध्या पावसाचा जोर काहीसा कमी झाल्याने दरातील सुधारणेमुळे काढणीस गती येणार आहे. काढणी केली जात असलेल्या पिकात खराब आले निघण्याचे प्रमाण वाढले जात असल्याचे शेतकरी सांगत आहेत. दरातील सुधारणेमुळे नवीन पिकावर शेतकऱ्यांचे लक्ष वाढवण्यात आले आहे..जुन्या आल्याचे १५ ते २० टक्के क्षेत्र शिल्लकमार्च, एप्रिल, मे महिन्यांत आले पिकाच्या दरात घसरल्याने पुढील काळात दर घसरणार या अंदाजामुळे आले काढणीकडे शेतकऱ्यांचा कल वाढला होता. या काळात ८० ते ८५ टक्के आले काढल्याने सध्या अवघे १५ ते २० टक्के क्षेत्रावर पीक शिल्लक राहिले आहे. दर चांगले मिळतील या आशेवर अनेक शेतकरी गणेशोत्सव काळात आले काढणी करतात. या वर्षी मूळकुज कमी असल्याने नवीन आले बाजारात कमी येणार असल्याने सध्याचे दर टिकून राहतील तसेच दरात वाढ होण्याची शक्यता तज्ज्ञांकडून व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
