Satara News: आले पिकाच्या दरात घट सुरू झाली आहे. आले पिकास गाडीमागे (एक गाडी ५०० किलो) सात ते आठ हजार घट झाली आहे. सध्या आले पिकास १५ ते १६ हजार रुपये तर नव्या आल्यास पाच हजार रुपये दर मिळत आहे. १५ दिवसांत दरात मोठी घसरण झाल्याने शेतकऱ्यांत नाराजी पसरली आहे. .ऑगस्ट महिन्यात पावसाच्या रिपरिपीमुळे आले काढणी ठप्प झाल्याने दरात सुधारणा सुरू झाली. जुन्या मालास प्रति गाडीस २४ ते २५ हजार तर नव्या आल्यास सहा ते सात हजार रुपये दर मिळाला होता..Ginger Price: आले दरात सात हजार रुपयांपर्यंत सुधारणा.पावसाचा जोर काहीसा कमी झाल्याने दरातील सुधारणेमुळे काढणीस गती येऊ लागली होती. गणेश उत्सवाच्या काळात आले पिकाच्या दरात अजून सुधारणा होण्याचा अंदाज शेतकऱ्यांत होता. यामुळे अनेक शेतकरी आले काढणी थांबवली होती. मात्र तसे न होता उलट दरात घसरण सुरू झाली. मागील दोन महिन्यांत प्रत्येक दहा दिवसांत आले दराचे चित्र बदलत गेले..Ginger Rate: आले पिकाच्या दरात सुधारणा.एप्रिल ते जून महिन्यांत सहा ते सात हजार रुपये प्रति गाडीवर दर होते. मात्र जुलैमध्ये पिकाच्या दरात सुधारणा होण्यास सुरुवात झाली. जुलै अखेरीस प्रति गाडीला ११ ते १२ हजार रुपये दर मिळाला होता. त्यानंतर गाडीला १७ ते १८ हजार रुपये दर मिळत होता. पावसामुळे आले काढणी ठप्प झाल्याने दरात सुधारणा सुरू झाली. गणेश उत्सवाच्या तोंडावर प्रति गाडीस २४ ते २५ हजार, तर नव्या आल्यास सहा ते सात हजार रुपये दर मिळाला होता. सध्या प्रति गाडीस सात ते आठ हजार रुपयांनी घट झाल्याने शेतकऱ्यांत नाराजी पसरली आहे..नवीन आल्याच्या दरात तफावतआले पिकांची नवे-जुने या पद्धतीने खरेदी केली जात आहे. जुन्या आल्यास गाडीला १५ ते १६ हजार व नव्यास आल्यास पाच हजार रुपये असा दर दिला जात आहे. दर आणि उत्पादन वाढेल या अपेक्षावर आले शेतात ठेवले जाते. नवीन फुटवा झालेल्या आल्यास नवीन आले असे विभाजन केले जाते. या नव्या आल्यास बाजारात गाडीला दहा हजार रुपये दर मिळत असून काढणी वाहतूक वजा जाता सात हजार राहतात. मात्र व्यापाऱ्यांकडून शेतकऱ्यांच्या असहायतेच्या फायदा घेऊन नव्या आल्याची पाच हजार रुपये दराने खरेदी केली जात आहे. यामुळे शेतकऱ्यांना गाडीमागे एक ते दोन हजार रुपये कमी दर मिळत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
