Satara News: कोरेगावच्या उत्तर भागात घेवडा पिकाची सुगी हातघाईवर आली आहे. पाऊस व ढगाळ वातावरणामुळे साठवणूक करता येत नसल्यामुळे मळणीनंतर माल शेतातून थेट काट्यावर नेला जात आहे. खरेदी प्रक्रियेत व्यापारी प्रतवारीनुसार ठरवतील तो दर दिला जात असून, उत्पादकांना नुकसान सहन करावे लागत आहे. पोत्याला दोन ते चार किलो मालाची कपात केली जाते..या भागात खरीप हंगामातील महत्त्वाचे पीक म्हणून घेवड्याची ओळख आहे. पावसाने या पंधरवड्यात उसंत दिली आहे. त्यामुळे काढणीसोबत शेतातच मळणी करून शेतीमाल थेट काट्यावर नेला जात आहे. त्यासाठी सकाळपासून शिवारात लगबग सुरू आहे. सध्या व्यापाऱ्यांकडून प्रतवारीनुसार ५५ ते ६८ रुपये किलोप्रमाणे दर दिला जात आहे. हा दर अत्यल्प असल्याने शेतकरी हतबल झाला आहे..Ghevda Vegetable : सातारा जिल्ह्यात पावसामुळे घेवडा उत्पादनात घट .एकरी पाच क्विंटल उत्पादन निघत आहे. ज्यांच्या पेरण्या लवकर झाल्या होत्या, त्या पिकास सततच्या पावसाचा फटका बसला आहे. उशिरा पेरणी झालेला घेवडा चांगला आहे. दर वर्षीप्रमाणे यंदा बीड, धाराशिव, लातूर, जालना जिल्ह्यांतून बहुतांश मजूर घेवडा काढणीला दाखल झाले आहेत..काढणीसाठी ते एकरी तीन हजार रुपये घेत आहेत. मात्र, परतीचा पाऊस घोंघाऊ लागल्याने पिकाची नासाडी होण्याच्या भीतीने शेतकरी धास्तावला आहे. या परिसरात घेवडा खरेदी करणारे जेमतेम पाच-सहा व्यापारी आहेत. आदर्की, तांबवे, भाडळे, देऊर, तसेच सोळशी परिसरांतून घेवडा पिकाची आवक सुरू आहे. दर वर्षी पाऊस आणि ढगाळ वातावरणामुळे घेवडा ओलसर राहतो. आर्द्रता तपासून त्याची खरेदी केली जाते..Waghya Ghevda: माझ्या कुटुंबाचा १० गुंठ्यातला वाघ्या-घेवड्याचा प्रयोग.कृषी विभागाकडून नियंत्रणाची मागणी‘व्यापारी ठरवतील तो दर’ याप्रमाणे खरेदी प्रक्रिया सुरू आहे. माल दिल्लीच्या व्यापाऱ्यांना पाठवला जातो. तिकडे त्याचा दर जवळपास १२० ते १५० रुपये किलो राहतो. शेतकरी ते ग्राहक यादरम्यान दरात दुपटीचा फरक पडतो, तरीही स्थानिक व्यापारी शेतकऱ्यांना जादा दर देत नसून खरेदी प्रक्रियेवर कृषी विभागाने नियंत्रण ठेवणे शेतकऱ्यांसाठी गरजेचे आहे..वाघ्या घेवड्याला भौगोलिक मानांकन मिळूनही कृषी विभागाकडून हे पीक दुर्लक्षित आहे. पावसामुळे काढणीनंतर गुणवत्ता आणि प्रतवारी टिकून राहावी, यासाठी त्याची साठवणूक महत्त्वाची आहे. तो वळविण्यासाठी कोल्ड स्टोअरेजप्रमाणेच ड्रायर शेड उभारणे गरजेचे आहे. या भागात घेवडा संशोधन केंद्र झाल्यास शेतकऱ्यांना त्याचा फायदा होईल, तसेच घेवड्याचा पीकविम्यात समावेश करावा, यासाठी लोकप्रतिनिधींनी प्रयत्न केले पाहिजेत.संजय महाजन, माजी संचालक, कृषी उत्पन्न बाजार समिती, कोरेगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
