India Economy Impact: सर्वसामान्यांना पुन्हा एकदा महागाईचा झटका बसला आहे. तेल विपणन कंपन्यांनी गेल्या दोन आठवड्यांच्या आत चौथ्यांदा पेट्रोल आणि डिझेलच्या दरात वाढ केली. गेल्या १० दिवसांतील इंधनाची ही चौथी दरवाढ आहे. पेट्रोल सोमवारी (दि. २५ मे) प्रति लिटर २.६१ रुपयांनी आणि डिझेल प्रति लिटर २.७१ रुपयांनी महागले. .या नवीन दरवाढीमुळे देशाची राजधानी दिल्लीत पेट्रोलचा दर १०० रुपये पार झाला. मुंबईत पेट्रोलचा दर आता प्रति लिटर १११.२१ रुपयांवर आणि डिझेलचा दर ९७.८३ रुपयांवर पोहोचला आहे..Petrol Diesel Price Hike: इंधन दरवाढीचा चौकार; पेट्रोल- डिझेल पुन्हा महागले, किती रुपयांनी वाढ?.दीर्घकाळ दर स्थिर ठेवल्यानंतर १५ मे रोजी पासून इंधन दरवाढीला सुरुवात झाली. चार वेळा केलेल्या दरवाढीमुळे पेट्रोल आणि डिझेलच्या दरात एकूण प्रति लिटर जवळपास ७.५ रुपयांची वाढ झाली. दिल्लीत पेट्रोलचा दर प्रति लिटर ९९.५१ रुपयांवरून २.६१ रुपयांच्या वाढीसह १०२.१२ रुपयांवर पोहोचला आहे. तर डिझेलचा दर प्रति लिटर २.७१ रुपयांनी वाढून ९५.२० रुपये झाला आहे..याआधी गेल्या शनिवारी (२३ मे) देशात पेट्रोल आणि डिझेलच्या दरात वाढ केली होती. त्यावेळी पेट्रोल ८७ पैसे आणि डिझेल ९१ पैशांनी महागले होते. त्याआधी १५ मे रोजी पेट्रोल-डिझेल दरात ३ रुपये वाढ केली होती. त्यानंतर १९ मे रोजी ९० पैशांची वाढ झाली होती. जागतिक बाजारात कच्च्या तेलाच्या वाढत्या किमती आणि रुपया कमकुवत होत असल्याच्या पार्श्वभूमीवर ही दरवाढ झाली आहे. तेल विपणन कंपन्यांचा आयातीचा खर्च वाढल्याने त्याची भरपाई इंधन दरवाढीतून केली जात असल्याचे सांगितले जात आहे..Petrol Diesel Price Hike: आठ दिवसांत तिसऱ्यांदा पेट्रोल- डिझेल दरात वाढ.विशेष म्हणजे पश्चिम बंगाल, आसाम, केरळ, तामिळनाडू आणि पुदुचेरी या ठिकाणी नुकत्याच झालेल्या विधानसभा निवडणुकांनंतर सर्वसामान्यांना इंधन दरवाढीचे झटके बसू लागले आहेत..जागतिक बाजारात इंधनाचे दर स्थिर असूनही केंद्र सरकारकडून नागरिकांवर वारंवार दरवाढीचा बडगा उगारला जात आहे. सामान्य लोकांची बचत जळून भस्मसात व्हावी म्हणून मोदी सरकार हे पेट्रोल शिंपडण्याचे काम करत आहे.मल्लिकार्जुन खर्गे, काँग्रेसचे अध्यक्ष.महागाई मानव मोदी यांनी पुन्हा एकदा लोकांचा खिसा कापला आहे. आपण आर्थिक वादळ येण्याचे भाकित आधीच वर्तविले होते. निवडणुका संपताच मोदींनी पेट्रोल-डिझेलच्या दरामध्ये आठ रुपयांची वाढ केली आहे.राहुल गांधी, विरोधी पक्ष नेते..पेट्रोल आणि डिझेलच्या दरांमध्ये चार टप्प्यांत झालेल्या दर वाढीमुळे सरकारी तेल कंपन्यांना होणारा दैनंदिन तोटा कमी होऊन आता सुमारे ६०० कोटी रुपयांच्या जवळ आला आहे. याआधी याचे प्रमाण हे दररोज एक हजार कोटी रुपये एवढे होते.सुजाता शर्मा, नैसर्गिक वायू मंत्रालयाच्या सहसचिव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
