Jalgaon News: खानदेशात ९५ ते ९९ टक्के केळीची शिवार किंवा थेट खरेदी केली जाते. हा व्यापार बाजार समितीबाहेर होतो, या खरेदीवर बाजार समित्या अनेक वर्षे शुल्क आकारात आहेत. शुल्क वसुलीसाठी बाजार समित्यांची यंत्रणा जोरात काम करीत आहे. पण केळीची खरेदी किती दरात व कुणी केली, दर व्यवस्थित मिळाला का याची चौकशी, तपासणी बाजार समित्या करीत नाहीत. याबाबत केळी उत्पादक संतप्त आहेत. .खानदेशात जळगाव, यावल, चोपडा, जामनेर, पाचोरा, भडगाव, चाळीसगाव, रावेर, अमळनेर, धरणगाव, धुळ्यातील शिरपूर, नंदुरबारातील शहादा, तळोदा, अक्कलकुवा आदी भागांत बाजार समितीबाहेर खरेदी केल्या जाणाऱ्या केळीसंबंधी खरेदीदारांकडून आठ ते १० टन केळीमागे ५०० रुपये शुल्क (सेल) आकारले जात असल्याचा प्रकार अनेक वर्षे सुरू आहे. यंदा कमी दरांमुळे केळी उत्पादक वित्तीय अडचणीत आहेत. जे दर बाजार समित्या जाहीर करीत आहेत, त्या दरात केळीची खरेदी कुठेही सुरू नाही..Banana Market : केळी खरेदीत काटतीची तक्रार कायम.जळगाव, चोपडा, रावेर, मुक्ताईनगर, पाचोरा, यावल आदी बाजार समित्यांनी शुल्क वसुलीसाठी विविध कर्मचारी नियुक्त केले आहेत. हे कर्मचारी शिवारात कुठे केळी खरेदी सुरू आहे, याची चौकशी करतात. जेथे खरेदी सुरू असते, तेथे हे कर्मचारी खरेदीदारांकडून शुल्क वसूल करतात. शुल्क न दिल्यास खरेदीदाराला दम भरतात. पण खरेदीदाराने केळीची किती दरात खरेदी केली, किती केळी खरेदी केली, शेतकऱ्यास चुकारे प्राप्त झाले का, खरेदीदाराकडे परवाना आहे का, याची कोणतीही चौकशी बाजार समितीचे हे कर्मचारी करीत नाहीत..Banana Rate: केळी दरावर दबाव वाढला.शुल्क वसुलीच्या प्रकारामुळे शेतकऱ्यांचे नुकसान व्यापारी करीत आहेत. २०१४ नंतर युती सरकारने शासनाने फळे व भाजीपाला नियमनमुक्त करण्याच्या आदेशांची अंमलबजावणी सुरू केली होती. पण नंतर हे आदेश मागे घेण्यात आले. हे आदेश पुन्हा आणावेत, शासन हे आदेश का आणत नाही, केळी खरेदीसंबंधी शेतकऱ्यांची फसवणूक टळेल, आर्थिक नुकसान होणार नाही, यासाठी बाजार समित्या पथके का नियुक्त करीत नाही, असे प्रश्न शेतकरी उपस्थित करीत आहेत..ठळक बाबीकेळीचे दर रावेर, चोपडा आदी बाजार समित्या जाहीर करतात.जे दर जाहीर होतात, त्या दरानुसार केळीची खरेदी केली जात नाही.खरेदीसंबंधी शुल्क वसुलीची तत्परता बाजार समित्या दाखविता, तशी तपासणी, चौकशी खरेदीदारांची केली जात नाही.केळी दरप्रश्न खानदेशात यंदा अडिच महिने आहे, पण कुठेही ठोस कारवाई, तपासणीसत्र बाजार समित्या, प्रशासनाकडून राबविण्यात आलेले नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
