Jalgaon News: खानदेशात निर्यातक्षम केळीस मागील दोन-चार दिवसांत कमाल २२०० रुपये प्रति क्विंटलला दर मिळाला आहे. नव्या बागांमधून केळीची आवक वाढत आहे. स्थानिक किंवा देशांतर्गत बाजारात पाठवणुकीच्या केळीस १४०० ते १६०० रुपये प्रति क्विंटलवर स्थिर आहे. .सध्या प्रति दिन ४२ ते ४५ ट्रक (एक ट्रक १६ टन क्षमता) केळीची आवक होत आहे. केळीला उत्तरेकडे उठाव असल्याने दरही टिकून आहेत. मध्यंतरी दरात पडझड झाली होती. पण मागील तीन ते चार दिवसांत दरात सुधारणा झाली आहे..Banana Export: केळी उत्पादकांसाठी नववर्षाची सुरुवात आशादायी.खानदेशातून केळीची परदेशात निर्यातही सुरू झाली आहे. मध्यंतरी निर्यात रखडली होती. सध्या आगाप लागवडीच्या मृग बहर बागा व पिलबाग केळीमधून आवक सुरू आहे. तसेच उशिरा लागवडीच्या कांदेबाग केळीतही काढणी सुरू आहे. जळगाव जिल्ह्यातील रावेर, यावल, मुक्ताईनगर, जामनेर, धुळ्यातील शिरपूर, नंदुरबारातील शहादा, तळोदा व अक्कलकुवा भागात केळीची आवक सुरू झाली आहे..Banana Crop Damage: वादळ, गारपिटीचा केळी पिकास दर वर्षी मोठा तडाखा.मागील पंधरवड्यात खानदेशात केळीची प्रति दिन ३० ते ३२ ट्रक केळीची आवक झाली होती. त्यात मागील काही दिवसांत वाढ झाली आहे. पण अजूनही थंडीमुळे काढणी रखडत सुरू आहे. अनेक बागांमधील काढणी घड थंडीत पक्व होत नसल्याने अपेक्षित वेळेत सुरू झालेली नाही..पुढे तापमानात जशी वाढ होईल, तशी केळीची आवक वाढेल, असे संकेत आहेत. परदेशात रोज चार ते पाच कंटेनर केळीची पाठवणूक होत आहे. तसेच उत्तरेकडे रोज २० ते २२ ट्रक जळगाव जिल्ह्यातून पाठविले जात आहेत..बऱ्हाणपुरातील आवकही कमीमध्य प्रदेशातील बऱ्हाणपूर येथेही केळीची आवक कमी आहे. तेथे जळगाव जिल्ह्यातील मुक्ताईनगर, रावेर भागांतूनही केळीची पाठवणूक केली जाते. परंतु सध्या रावेर, मुक्ताईनगर भागांत केळीची आवक कमी असल्याने दर टिकून आहेत. उठावही असल्याने बऱ्हाणपुरातील पाठवणूक फारशी सुरू नाही, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
