Jalgaon News: मागील काही वर्षांत कृषी निविष्ठांचे दर सतत वाढले आहेत. फवारणी, विद्राव्य खतांचा खर्च व केळी, पपईचे उत्पादन, उत्पन्न यात तफावत असून, पिके परवडत नसल्याची स्थिती आहे. .कारण पपई, केळीचे दर मात्र वाढलेले नाहीत. केळी दर एक हजार रुपयांखालीच आहेत. पपई दरही अनेक महिने तीन ते पाच रुपये प्रतिकिलो, असे आहेत. पपई रोपांनंतर आता केळी रोपांच्या दरातही खानदेशात मोठी वाढ झाली आहे. खानदेशात केळीची लागवड सतत वाढत आहे. पपई लागवडही वाढली आहे. पपई दर मागील हंगामात कमी होते. यंदाही दर अस्थिर आहेत..YeIakki Banana Farming: इल्लाकी केळी लागवड खानदेशात वाढू लागली.अशात पपई लागवड यंदा नोव्हेंबर व डिसेंबर या कालावधीत झाली आणि आता जानेवारी ते एप्रिल या कालावधीत सुरू आहे. परंतु पपई रोपांचे दर मागील हंगामात नऊ ते १३ रुपये प्रति रोप, असे होते. यंदा पपई रोपांचे दर ११ ते १७ रुपये प्रति रोप, असे आहेत..केळी रोपांची मागणी पाच ते सात वर्षांपूर्वी कमी होती. मध्यंतरी केळी रोपांची मागणी वाढली. पण केळी रोपे परवडत नाहीत, असाही मुद्दा आहे. कारण केळी रोपांचे दर २१ रुपये प्रति रोप, असे आहेत. केळीचे दर मात्र वाढत नसल्याने अडचणी आहेत. खतांची दरवाढ सुरूच आहे. मजूर कमी होत आहेत..Banana Orchard Damage : वाशिंबे परिसरात वादळी वाऱ्याने केळी बागा जमीनदोस्त.मजुरीखर्च वाढत असतानाच पपई व केळी रोपांची दरवाढ झाल्याने शेतकऱ्यांचा उत्पादन खर्च वाढला आहे. खानदेशात केळी उतिसंवर्धित रोपे उत्पादक, निर्मात्या कंपन्या रोपांचा पुरवठा करतात. तसेच काही स्थानिक कंपन्या अन्य जिल्ह्यांतही रोपांची पाठवणूक करतात. जशी रोपे व खतांची दरवाढ होत आहे, तशी केळी दरात वाढ होत नसल्याने नाराजी आहे..केळीचा एकरी खर्च अलीकडे एक लाख ते एक लाख २० हजार रुपये एवढा आहे. हा खर्च वजा करून येणारा नफा आता रोपांच्या दरवाढीने कमी होणार आहे. पपईचा खर्चही अधिक आहे. कलिंगड, खरबूज पिकांची लागवड सुरू आहे. त्यासाठी रोपे, विद्राव्य खते, किडनाशके, बुरशीनाशके, संप्रेरकांचा उपयोग शेतकरी करीत आहेत. पण हा खर्चही परवडत नसल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
