EU Trade Policy: चीन आणि अर्जेंटिनावरील व्यापार निर्बंधांमुळे युरोपियन महासंघाच्या (ईयू) बायोडिझेल आयातीचे चित्र झपाट्याने बदलत असून, त्याचा सर्वाधिक लाभ भारताला होत आहे. .२०२६ च्या पहिल्या दोन महिन्यांत भारत युरोपियन महासंघाच्या आघाडीच्या बायोडिझेल पुरवठादारांमध्ये पोहोचल्याचे अमेरिकेच्या कृषी विभागाच्या (यूएसडीए) जैवइंधनाबाबतच्या वार्षिक अहवालात नमूद करण्यात आले आहे..Indian Pomegranate Export: अमेरिकेच्या बाजारपेठेत भगव्या डाळिंबाला संधी.भारत यापूर्वी युरोपसाठी बायोडिझेलचा मोठा पुरवठादार नव्हता. मात्र चीन आणि अर्जेंटिनावरील शुल्कांमुळे निर्माण झालेल्या पोकळीमुळे भारतीय बायोडिझेलने आपली पकड घट्ट केली..फेब्रुवारी २०२५ मध्ये युरोपियन महासंघाने चीनच्या बायोडिझेलवर कंपनीनिहाय १० ते ३५.६ टक्के ‘अँटी-डम्पिंग’ शुल्क लागू केले. त्यानंतर चीनकडून होणारी आयात जवळपास थांबली. परिणामी, २०२५ मध्ये महासंघाची एकूण बायोडिझेल आयात २२ टक्क्यांनी घटून १८० कोटी लिटर झाली. ही घट भरून काढण्यासाठी दक्षिण कोरियाकडील पुरवठा ८१ टक्क्यांनी वाढला..Brazil Agricultural Cooperatives: ब्राझीलमधील सहकारी संस्थांचे कृषी मॉडेल.दरम्यान, अर्जेंटिनाच्या बायोडिझेलवरील २५ ते ३३.४ टक्के प्रतिपूर्ती शुल्काला मे २०२५ मध्ये आणखी पाच वर्षांची मुदतवाढ देण्यात आली. त्यामुळे २०२६ च्या जानेवारी-फेब्रुवारीमध्ये अर्जेंटिनाकडून होणारी आयात पूर्णपणे ठप्प झाली. त्याच काळात मलेशियाचा पुरवठा १० टक्क्यांनी कमी झाला; मात्र भारत आणि थायलंडच्या पुरवठ्यात लक्षणीय वाढ झाली. सध्या भारत, मलेशिया, दक्षिण कोरिया आणि थायलंड हे युरोपियन महासंघाचे प्रमुख बायोडिझेल पुरवठादार बनले आहेत..निर्यातीच्या आघाडीवरही मोठा बदल झाला आहे. अमेरिकेने जानेवारी २०२५ पासून ‘ब्लेंडर्स टॅक्स क्रेडिट’ऐवजी ‘प्रोड्यूसर्स टॅक्स क्रेडिट’ लागू केल्याने युरोपातून अमेरिकेला होणारी बायोडिझेल निर्यात जवळपास थांबली. परिणामी, २०२५ मध्ये महासंघाची एकूण निर्यात निम्म्याने घटली..ब्रिटन सर्वांत मोठी बाजारपेठसध्या ब्रिटन ही युरोपियन बायोडिझेलची सर्वांत मोठी बाजारपेठ ठरली आहे. २०२५ मध्ये ब्रिटनकडे होणारी निर्यात सुमारे ६० टक्क्यांनी, तर २०२६ च्या पहिल्या दोन महिन्यांत आणखी २५ टक्क्यांनी वाढली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
