Amravati News: थंडीत वाढ झाल्यामुळे देशभरासह महाराष्ट्रात कोंबडीच्या अंड्यांना मागणी वाढली आहे. यामुळे अंडी दरात तेजी अनुभवली जात असून इतिहासात पहिल्यांदाच अंडी दराने ७०० रुपये प्रति शेकडा (१०० नग) असा पल्ला गाठल्याची माहिती पोल्ट्री व्यावसायिकांनी दिली..महाराष्ट्रात रोज सुमारे एक कोटी नग इतकी प्रचंड मागणी अंड्यांना आहे. हिवाळ्याच्या दिवसात पौष्टिक खाद्यान्न म्हणून यात वाढ नोंदविली जाते, असा अनुभव आहे. त्यानुसार आता थंडीला सुरुवात होताच अंडी मागणीत वाढ नोंदविली गेली आहे. त्या तुलनेत बाजारात पुरवठा कमी असल्याचे चित्र आहे. याचा थेट परिणाम अंडी दरातील तेजीच्या माध्यमातून अनुभवला जात आहे..Eggs Rate: अंड्याचे दर पोहोचले ६०० रुपये शेकड्यावर.अंडी उत्पादनाचा सरासरी खर्च चार रुपये इतका आहे. या आधी हा खर्च साडेचार रुपयांपेक्षा अधिक होता. त्या काळात मक्यासह सोयापेंडचे दर तेजीत होते. पशुखाद्याच्या दरात वाढीच्या परिणामी अंड्यांचा प्रति नग उत्पादकता खर्च देखील वाढता होता. याच काळात अंडी दर रुपये प्रति शेकडा ५५० रुपये इतके होते. त्यामुळे लेअर पोल्ट्री व्यावसायिकांच्या नफ्याचे मार्जिन जेमतेम होते. परिणामी अंडी दरात तेजी आली आहे. त्यातच पशुखाद्याच्या दरातही घसरण झाली आहे. त्यातूनही पोल्ट्री व्यावसायिकांच्या नफ्यात वाढ नोंदविली जात आहे..विशेष म्हणजे महाराष्ट्राची रोज एक कोटी अंड्याची मागणी स्थानिक पोल्ट्री व्यावसायिकांच्या माध्यमातून पूर्ण होत नाही. त्यामुळे तेलंगणासह देशाच्या इतर भागातून देखील महाराष्ट्रात अंडी पुरवठा होतो. त्या राज्यांमध्ये पोल्ट्रीसह इतर शेतीपूरक व्यवसायांना विविध सवलती असल्याने त्यांचा अंडी उत्पादकता खर्च कमी राहतो. त्यामुळे त्यांच्याद्वारे कमी दरात अंडी विक्री केली तरी नफ्याचे प्रमाण साधले जाते, असेही या क्षेत्रातील सूत्रांनी सांगितले..Eggs Market: अंडी दरात झपाट्याने वाढ, शेकड्याला ५१३ रुपये दर.महाराष्ट्रात सात ते आठ लाखांवर पोल्ट्री व्यावसायिक आहेत. त्यांच्या माध्यमातून ब्रॉयलर व लेअर पक्ष्यांचे संगोपन होते. मध्यंतरीच्या काळात कुक्कुटपक्ष्यांसह अंडी दरही दबावात आले. त्यातून उत्पादकता खर्चाची भरपाई शक्य न झाल्याने अनेकांनी या व्यवसायातून माघार घेतली. त्यासोबतच अंडी उत्पादन घेणाऱ्या लेअर पोल्ट्री व्यावसायिकांनी पक्ष्यांचे आयुष्य कमी झाल्याने नवीन पक्ष्यांची मागणी नोंदविली. त्याचाही परिणाम अंडी उत्पादनावर झाला आहे..४० वर्षांपासून पोल्ट्री व्यवसायात असताना अंड्यांना ७०० रुपये प्रति शेकडा इतका दर पहिल्यांदाच मिळाला आहे. मका यापूर्वी २५ रुपये किलो असताना त्याचे दर १७ ते १८ रुपये किलोवर आले आहेत. त्यासोबतच सोया पेंड ४० रुपये किलोवरून सध्या ३७ रुपयांवर आहे. परिणामी उत्पादकता खर्चात काहीसा दिलासा मिळाला आहे.रवींद्र मेटकर, मातोश्री पोल्ट्री फार्म, अमरावती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
