Egg Price Drop Issue: आखाती देशात सुरू असलेल्या युद्धामुळे निर्यातीवर आलेले निर्बंध, तसेच उत्तर भारतात चैत्र महिन्यात साजऱ्या होणाऱ्या नवरात्रोत्सवामुळे अंड्यांच्या मागणीत लक्षणीय घट झाली आहे. परिणामी बाजारात पुरवठा वाढून दरांवर मोठा दबाव निर्माण झाला असून, मार्चच्या सुरुवातीला प्रति नग ५.५० रुपये असलेला दर सध्या घसरून थेट ४ रुपयांपर्यंत आला आहे. काही ठिकाणी व्यवहार ३.६० रुपयांवर झाल्याने पोल्ट्री व्यावसायिकाची चिंता वाढली आहे..राज्यातील शेतीचे उत्पन्न अनिश्चित झाल्याने अनेक शेतकरी पूरक व्यवसायांकडे वळले असून कुक्कुटपालन हा त्यातील प्रमुख पर्याय ठरला आहे. करार पद्धतीच्या कुक्कुटपालनामुळे उत्पादनात झपाट्याने वाढ झाली असून, लेअर कोंबड्यांद्वारे अंड्यांचे उत्पादन मोठ्या प्रमाणावर वाढले आहे. त्यामुळे राज्यात अंड्यांचा पुरवठा स्थिर असला, तरी मागणी घटल्याने बाजारातील समतोल बिघडला आहे..Egg Prices: आखाती देशांत निर्यात थांबल्याने अंड्यांचे दर घसरले, पोल्ट्री उत्पादक अडचणीत.नॅशनल एग्ज कोऑर्डिनेशन कमिटीचे समन्वयक श्याम भगत यांच्या माहितीनुसार, महाराष्ट्राची दररोजची अंड्यांची मागणी सुमारे १ कोटी नग आहे. मात्र राज्यातील उत्पादन अद्याप या पातळीपर्यंत पोहोचले नसल्याने इतर राज्यांतून अंडी आयात करून गरज भागवली जाते. परंतु सध्या निर्यात कमी झाल्याने देशांतर्गत बाजारात अंड्यांचा पुरवठा वाढला आहे. त्याचा थेट परिणाम दरांवर होत आहे..याशिवाय धार्मिक सणांच्या काळात अनेक भागांत अंड्यांचा वापर कमी होतो. विशेषतः नवरात्रोत्सवाच्या काळात अंडी व मांसाहार टाळण्याची प्रथा असल्याने मागणी आणखी कमी होते. सध्या हीच परिस्थिती देशभर दिसून येत असून, बाजारात अंड्यांची खपत मंदावली आहे..Egg Rate: अंडीदर कोसळल्याने पोल्ट्री व्यावसायिक अडचणीत.अनेक व्यापारी कमी दरात अंडी खरेदी करून शीतगृहात साठवून ठेवतात आणि दर वाढल्यावर विक्री करतात. त्यामुळे बाजारात कृत्रिम दबाव निर्माण होऊन दर आणखी खाली येतात, असाही आरोप आहे. दरम्यान, उत्पादन खर्च मात्र वाढतच आहे. खाद्यपदार्थ, औषधे, वीज व मजुरी खर्च वाढल्याने प्रति अंड्याचा खर्च ४ ते ४.५० रुपयांच्या दरम्यान जात असल्याचे व्यावसायिकांचे म्हणणे आहे. अशा परिस्थितीत ३.६० ते ४ रुपयांचा दर मिळाल्याने कुक्कुटपालकांना तोटा सहन करावा लागत आहे. त्यामुळे कुक्कुटपालन व्यवसायातील शेतकऱ्यांसमोर आर्थिक संकट आणखी तीव्र होण्याची चिन्हे आहेत, असेही या क्षेत्रातील तज्ज्ञांनी सांगितले..अंडीदर दृष्टिक्षेपात (प्रति नग)नोव्हेंबर २०२५ दर ६.३० रु.सध्याचा दर ४ रु.किमान व्यवहार ३.६० रु.उत्पादन खर्च ४ ते ४.५० रु.राज्याची मागणी १ कोटी अंडी/दिवस.अंडी ३.६० रुपये दराने विकावी लागत आहेत. उत्पादन खर्चही निघत नाही. सातत्याने तोटा होत असल्याने अनेक लहान उत्पादक अडचणीत आले आहेत.रवींद्र मेटकर, पोल्ट्री व्यावसायिक, अमरावती.युद्धस्थितीमुळे निर्यात घटली आहे. त्यातच धार्मिक सणांमुळे मागणी कमी झाली. परिणामी अंड्यांचे दर ४ रुपयांवर आले आहेत.श्याम भगत, समन्वयक, नॅशनल एग्ज कोऑर्डिनेशन कमिटी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
