Nashik News : कांद्यासाठी प्रसिद्ध असलेल्या लालसगाव कृषी उत्पन्न बाजार समितीमध्ये शनिवारी (ता. १३) नवीन खरीप लाल कांद्याची ४२ क्विंटल आवक झाली. या कांद्याला किमान ४००, कमाल ९०१ तर सरासरी ८०१ रुपये प्रतिक्विंटल दर मिळाले. दरवर्षीच्या तुलनेत ही आवक यंदा काहीशी लवकर झाली आहे..प्रामुख्याने दरवर्षी जुलैमध्ये लागवड सुरू होऊन सप्टेंबर अखेर किंवा ऑक्टोबरच्या सुरुवातीला नवीन आवक होत असते. प्रामुख्याने खरीप नवीन कांद्याची आवक दसऱ्याच्या मुहूर्ताला होत असते. मात्र यंदा जवळपास दोन आठवडे अगोदर हा कांदा शेतकऱ्याने बाजारात आणला आहे..Onion Price: कांदादरासाठी खणखणले फोन; मंत्री, लोकप्रतिनिधी जेरीस.सद्यःस्थितीत दरात अपेक्षित सुधारणा नसल्याचे शेतकऱ्यांचे म्हणणे आहे. त्यात आता रब्बीसोबत टप्प्याटप्प्याने नवीन खरीप कांदा बाजारात दाखल होत आहे. छत्रपती शिवाजी महाराज स्वतंत्र कांदा आवार बाजार समितीमध्ये रब्बी उन्हाळ कांद्याची ३९७ वाहनांतून ५७९८ क्विंटल आवक झाली. त्यास किमान ५००, कमाल १६०० रुपये तर सरासरी ११५१ रुपये प्रति क्विंटल दर मिळाले. तर लाल कांद्याची ३ वाहनांतून ही आवक झाली होती..Onion Export : नेपाळमधील हिंसाचारामुळे कांदा सीमेवर अडकला, दरात घसरण.ग्राहक, शेतकऱ्यांसाठी योग्य धोरण असावेमानोरी (ता. सिन्नर) येथील शेतकरी अंकुश सुखदेव चकोर यांनी नवीन खरीप कांदा विक्रीसाठी आणला होता. त्यांनी सांगितले, की जून महिन्याच्या सुरुवातीला पाऊण एकर क्षेत्रावर कांद्याची पेरणी केली होती. त्यात ३५ क्विंटल उत्पादन झाले आहे. .हवामान बदलामुळे यंदा कांदा उत्पादनात घट झाली आहे. त्यातच अपेक्षित दर नसल्याने शेतकऱ्यांचा हिरमोड झाला आहे. आता उत्पादन खर्चाच्या तुलनेत दर मिळावा, यासाठी सरकारने ग्राहक व शेतकऱ्यांसाठी योग्य ते धोरण हाती घ्यावे, अशी मागणी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
