Farmer Losses: सणासुदीच्या काळात झेंडूच्या फुलांना चांगला दर मिळेल, या अपेक्षेने दुष्काळी परिस्थितीतही पीक जगविणाऱ्या शेतकऱ्यांच्या पदरी यंदा निराशाच पडली आहे. दसऱ्यानंतर आता दिवाळीतही झेंडूच्या फुलांचे दर घसरले असून, प्रति किलो सरासरी १० ते १५ रुपये दर मिळत आहेत. बाजारात फुलांची आवक वाढल्याने शेतकऱ्यांना उत्पादन खर्च तर दूरच, बाजारपेठेपर्यंत फुले आणण्यासाठी झालेला खर्च काढणेही कठीण झाले आहे..यंदा पावसाने दिलेल्या दीर्घ खंडामुळे खरीप पिकांसह फुलशेतीलाही मोठा फटका बसला. अशा परिस्थितीत झेंडू उत्पादकांनी उपलब्ध पाण्याच्या आधारे सिंचन करून पीक जगविले. दसरा आणि दिवाळी या प्रमुख सणांच्या काळात फुलांना मागणी वाढून चांगला बाजारभाव मिळेल, अशी त्यांची अपेक्षा होती. मात्र, दसऱ्याच्या हंगामातच बाजारातील आवक आणि मागणी यांचा मेळ न बसल्याने दर दबावाखाली राहिले..Marigold Price Crash : सणासुदीला झेंडूच्या फुलांची मातीमोल विक्री; बाजारात शेतकऱ्यांच्या कष्टाची होतेय अवहेलना!.दसऱ्याच्या एक दिवस अगोदर प्रति किलो ५० ते ५५ रुपयांपर्यंत दर मिळाले होते. मात्र, दसऱ्याच्या दिवशी दराचा बेरंग झाला. त्या वेळी सरासरी १५ ते २० रुपये दर मिळाले. अकोला बाजारात दसऱ्याच्या काळात प्रति किलो ५ ते १५ रुपये दराने फुलांची विक्री करावी लागली होती.दसऱ्यानंतर बाजारभावात सुधारणा होईल, अशी आशा शेतकऱ्यांना होती. त्यामुळे दिवाळीच्या बाजारासाठी त्यांनी पिकाची काळजी घेतली. पाण्याची टंचाई असतानाही सिंचन करून पीक टिकविले. मात्र दिवाळीच्या तीन दिवस आधी बाजारात चांगले दर होते. त्यानंतर दर घसरत गेले. नाशिकच्या फूल बाजारात सध्या झेंडूला सरासरी १४ ते १५ रुपये प्रति किलो दर मिळत आहेत. फुलांच्या गुणवत्तेनुसार दरात मोठी तफावत असून, बहुतांश व्यवहार कमी दरात होत आहेत. उत्पादन घटूनही अपेक्षित दर मिळत नसल्याने उत्पादकांचे आर्थिक नुकसान वाढले आहे.दररोज सुमारे ५०० ते ६०० वाहनांमधून फुले येत असल्याचे विक्रीसाठी आलेल्या शेतकऱ्यांनी सांगितले..Marigold Price : दराअभावी जुन्नरला झेंडू उत्पादकांच्या पदरी निराशा.फुलांची काढणी, वर्गीकरण, प्रतवारी आणि वाहतूक यासाठी शेतकऱ्यांना खर्च करावा लागतो. त्यात बाजारपेठेत फुले आणण्यासाठीचे भाडे, खरेदीदाराचे कमिशन आणि हमाली यांची भर पडते. प्रति किलो मिळणारा दर पाहता या सर्व खर्चाची भरपाई होणेही अवघड झाले आहे. उत्पादन खर्च आणि मिळणाऱ्या दराचा ताळमेळ बसत नसल्याची माहिती मोह (ता. सिन्नर) येथील झेंडू उत्पादक शेतकरी सुदाम काटे यांनी दिली..चांदवड बाजारात दर दबावातचांदवड कृषी उत्पन्न बाजार समितीमध्ये झेंडू फुलांसाठी स्वतंत्र लिलाव व्यवस्था आहे. ६ नोव्हेंबर २०२६ रोजी येथे ९ क्विंटल आवक झाली. त्यास प्रति किलो किमान २, कमाल २५, तर सरासरी १४ रुपये दर मिळाले. मागील दोन वर्षांच्या तुलनेत यंदा दर १० रुपयांनी कमी मिळत आहेत..किरकोळ विक्री ३० ते ४० रुपयेघाऊक बाजारात झेंडूची प्रति किलो १० ते १५ रुपये दराने विक्री झाली. तर किरकोळ बाजारात दिवाळीच्या पूर्वसंध्येला ३० ते ४० रुपये दराने विक्री सुरू होती. किमान दिवाळीच्या दिवशी तरी दर वाढतील, अशी अपेक्षा फूल उत्पादकांकडून व्यक्त केली जात होती..उत्पादन कमी असूनही दर वाढत नसल्याची विसंगत परिस्थिती निर्माण झाली आहे. काढणी, प्रतवारी, वाहतूक आणि मजुरीचा खर्च विचारात घेता सध्याचे दर उत्पादकांसाठी परवडणारे नाहीत. दसरा आणि दिवाळी या दोन्ही सणांच्या हंगामात अपेक्षित उत्पन्न मिळाले नसल्याने झेंडू उत्पादकांची आर्थिक कोंडी झाली आहे. सणासुदीच्या बाजारपेठेवर उत्पन्नाचे गणित अवलंबून ठेवणाऱ्या शेतकऱ्यांसाठी यंदाचा हंगाम तोट्याचा ठरत आहे.– रवींद्र गोरडे, झेंडू उत्पादक शेतकरी, खेडले झुंगे, ता. निफाड, जि. नाशिक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
