Spinning Mill: विदर्भातील सहकार क्षेत्रासाठी महत्त्वाची मानली जाणारी रामदास आठवले मागासवर्गीय कापूस उत्पादक सहकारी सूतगिरणी आता जागतिक बाजारपेठेत दाखल झाली आहे. गिरणीत उत्पादित होणाऱ्या उच्च प्रतीच्या सूताला चीनच्या बाजारपेठेची पसंती मिळाल्यानंतर पहिला निर्यात कंटेनर समुद्रमार्गे चीनकडे रवाना करण्यात आला. स्थानिक कापसापासून तयार झालेल्या धाग्याला मिळालेली ही आंतरराष्ट्रीय मान्यता विदर्भातील कापूस प्रक्रिया उद्योगासाठी महत्त्वाची घडामोड मानली जात आहे..२०१९ मध्ये नोंदणीकृत झालेली ही सहकारी सूतगिरणी २०२५ मध्ये प्रत्यक्ष उत्पादनाखाली आली. अल्पावधीतच दर्जेदार सूतनिर्मितीच्या जोरावर तिने राज्यातील आघाडीच्या सहकारी सूतगिरण्यांमध्ये स्थान मिळविले आहे. मागील दशकात नोंदणीकृत झालेल्या सहकारी सूतगिरण्यांपैकी प्रत्यक्ष उत्पादन सुरू करणारी ही राज्यातील एकमेव गिरणी आहे, असा दावा संस्थेने केला आहे..Cotton Productivity: विशेष कापूस प्रकल्पातून वाढली उत्पादकता .गिरणीत तयार होणाऱ्या धाग्याची गुणवत्ता तपासण्यासाठी चीनमधील तज्ज्ञ पथकाने विविध तांत्रिक चाचण्या घेतल्या. सर्व निकषांवर धागा पात्र ठरल्यानंतरच चीनच्या बाजारपेठेत निर्यातीस मान्यता देण्यात आली. त्यामुळे दिग्रसमध्ये तयार होणारा धागा आता थेट परदेशी बाजारपेठेत पोहोचू लागला असून, इतर देशांकडूनही मागणी वाढत आहे, अशी माहिती संस्थापक अध्यक्ष मिलिंद मानकर यांनी दिली. .सूतगिरणीचे अध्यक्ष महेंद्र मानकर यांनी सांगितले, की अत्याधुनिक स्वयंचलित यंत्रसामग्री, तज्ज्ञ तांत्रिक पथक, सक्षम व्यवस्थापन आणि कर्मचाऱ्यांच्या योगदानामुळे ही गुणवत्ता साध्य झाली. कोरोनासारख्या प्रतिकूल काळातही प्रकल्प पूर्णत्वास नेण्यात आला..Cotton Market: आगामी हंगाम कापसास पोषक?.मुख्यमंत्री देवेंद्र फडणवीस, केंद्रीय मंत्री रामदास आठवले आणि पालकमंत्री संजय राठोड यांच्या सहकार्यामुळे गिरणी उत्पादनक्षम झाली. पहिला निर्यात कंटेनर रवाना करण्यापूर्वी त्याचे पूजन करण्यात आले. या वेळी प्रा. मधुकर वाघमारे, अविनाश कुलदीपके, धर्मराज गायकवाड, जनरल मॅनेजर एल. आर. बेहरा, श्रेयश मानकर यांच्यासह संचालक, अधिकारी आणि कर्मचारी उपस्थित होते..५,५०० टन सूत उत्पादनगेल्या १८ महिन्यांत सूतगिरणीत सुमारे ५,५०० टन सूत उत्पादित करण्यात आले आहे. गिरणीला २५ हजार चात्यांची (स्पिंडल) क्षमता मंजूर असून, सध्या १६,५०० चाते कार्यरत आहेत. दररोज १० ते १२ टन सूत तयार केले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
