Pune News: देशात यंदा पावसामुळे गुणवत्तापूर्ण कापसाची आवक कमी दिसत आहे. तर दुसरीकडे सीसीआयची खरेदीही वाढत आहे. त्यामुळे गुणवत्तापूर्ण कापसाचा भाव अनेक बाजार समित्यांमध्ये मागील आठवडाभरात वाढला आहे. राज्यातही काही बाजारांमध्ये ७७०० ते ७९०० रुपयांच्या दरम्यान हा कापूस विकला जात आहे. .देशातील बाजारात मागील दोन आठवड्यांपासून कापसाची आवक वाढली आहे. रोज बाजारात २ लाख लाख गाठींच्या दरम्यान आवक होत आहे. महाराष्ट्र, तेलंगणा, गुजरात आणि आंध्र प्रदेशातील कापसाची आवक वाढली आहे. परंतु बाजारात येणाऱ्या कापसात गुणवत्तापूर्ण मालाचे प्रमाण कमी आहे, असे व्यापारी सांगत आहेत. त्यातच सीसीआय खरेदीत उतरले आहे. हमीभाव बाजारभावापेक्षा जास्त असल्याने शेतकरी सीसीआयला कापूस विकत आहेत. .Cotton Procurement: 'सीसीआय’ची कापूस खरेदी प्रक्रिया वेगात.सीसीआयने देशात आतापर्यंत ५७० खरेदी केंद्र सुरु केली. त्यापैकी १६८ खरेदी केंद्रे महाराष्ट्रात सुरु आहेत. या खरेदी केंद्रांवर कापसाची खरेदीही वाढली आहे. देशभरात रोज १ लाख गाठी कापसाची खरेदी होत आहे. म्हणजेच बाजारात येणारा निम्मा कापूस सीसीआय खरेदी करत आहे. याचा आधार खुल्या बाजारातील दरालाही मिळत आहे. कापसाचे भावही सुधारले आहेत. गुणवत्तापूर्ण कापसाचे भाव काही बाजारांमध्ये जास्त दिसत आहेत. .Cotton Crisis: कापूस पिकावर गुलाबी बोंडअळीचा हल्ला .राज्यातील काही बाजारात गुणवत्तापूर्ण कापसाचा भाव ७७०० ते ७९०० रुपयांच्या दरम्यान आहे. तर कमाल भाव काही ठिकाणी ८ हजारही पाहायला मिळत आहे. पण या भावात खूपच कमी कापूस विकला जात आहे. कापसाचा सरासरी भाव ७ हजार ते ७ हजा ३०० रुपये आहे. जास्तीत जास्त कापूस याच दराने विकला जात आहे. .सीसीआयला पसंतीसरासरी बाजारभाव सध्या हमीभावापेक्षा किमान एक हजाराने कमी आहे. त्यामुळे शेतकरी सीसीआयच्या खरेदीला पसंती देत आहेत. सीसीआयच्या खरेदी केंद्रांवर आवक वाढत आहे. त्यामुळे खुल्या बाजारात गुणवत्तापूर्ण कापसाची आवक कमी झाल्याचे व्यापारी सांगत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
