Akot APMC Update: यंदाचा कापूस हंगाम अंतिम टप्प्यात आलेला असून विदर्भातील कापसाची मोठी बाजारपेठ म्हणून ओळखल्या जाणाऱ्या अकोट कृषी उत्पन्न बाजार समितीत शनिवारी (ता. ४) पांढऱ्या सोन्याने मोठी झेप घेतली. गेल्या अनेक दिवसांपासून कापसाच्या दरात होणारी सातत्यपूर्ण वाढ पाहता कापसाचे दर प्रति क्विंटल ८,९९५ रुपयांपर्यंत पोहोचल्याचे दिसून आले..गेल्या काही दिवसांत हा आतापर्यंतचा सर्वोच्च दर मानला जात असून, कापसाची वाटचाल आता नऊ हजारी टप्प्याकडे वेगाने सुरू असल्याचे स्पष्ट झाले आहे. या हंगामाच्या सुरुवातीला कापसाच्या दरात मोठी अनिश्चितता पाहायला मिळाली होती. सीसीआयने (कॉटन कार्पोरेशन ऑफ इंडिया ः भारतीय कापूस महामंडळ) हमीभावाने खरेदी सुरू केल्यानंतर बाजारात दर स्थिर राहण्यास मदत झाली..Cotton Productivity: कापूस उत्पादकता वाढीसाठी देशात आता ‘एचडीपीएस’.सीसीआयची खरेदी गेल्या महिन्यात थांबल्यानंतर बाजारावर नेमके काय परिणाम होतील, याबाबत तर्क लढवले जात होते. प्रामुख्याने खासगी बाजार कोलमडण्याची शक्यता वर्तविण्यात येत होती. मात्र बाजारात कापसाला चांगल दर मिळत आहेत. जागतिक आणि स्थानिक बाजारपेठेत कापसाच्या मागणीत वाढ झाल्याने दराचा आलेख उंचावत चालल्याचे सांगण्यात येत आहे..अकोट बाजार समितीत शनिवारी सकाळपासूनच कापसाची आवक समाधानकारक होती. लिलावादरम्यान व्यापाऱ्यांमध्ये झालेल्या चढाओढीमुळे दराने उच्चांक गाठला. ८,९९५ रुपयांचा हा टप्पा गाठल्यानंतर आता कापूस लवकरच ९,००० रुपयांचा अडथळा पार करेल, अशी शक्यता बाजार तज्ज्ञांकडून वर्तविली जात आहे..Cotton Market: आगामी हंगाम कापसास पोषक?.कापसामध्ये सध्या तेजीचा काळ सुरू झाला आहे. मोजक्याच शेतकऱ्यांनी साठवणूक केलेला कापूस आता बाहेर येत आहे. यंदाच्या हंगामात खासगी बाजार आणि सीसीआयच्या केंद्रावर आधीच मोठ्या प्रमाणात कापूस खरेदी झालेला आहे. शेवटच्या टप्प्यातील कापूस आता विक्रीला येत आहे. बाजारात दर्जेदार कापसाची मागणी असल्याने खरेदीत उत्सुकता पाहायला मिळते आहे..दर साडेनऊ हजारांपर्यंत जाण्याची शक्यताकाही शेतकऱ्यांनी दरवाढीच्या प्रतीक्षेत आपला कापूस घरात साठवून ठेवला होता. त्यांचा हा निर्णय आता फायदेशीर ठरताना दिसतो आहे. जर सध्याची स्थिती कायम राहिली, तर येणाऱ्या काही दिवसांत कापसाचे दर ९,५०० रुपयांपर्यंत मजल मारू शकतील, असे तज्ज्ञांकडून सांगितले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
