Jalgaon News: खानदेशात कलिंगड दरात मागील पंधरवड्यात सतत घसरण झाली आहे. सध्या शिवार खरेदीत शेतकऱ्यांना प्रति किलो सात ते साडेनऊ रुपये दर मिळत आहे. दरात घसरण झाल्याने शेतकऱ्यांना मोठा आर्थिक फटका बसत आहे. .खानदेशात सुमारे सात हजार हेक्टरवर कलिंगडाची लागवड झाली आहे. ही लागवड यंदा स्थिर आहे. कलिंगडाचे दर जानेवारी ते फेब्रुवारीच्या मध्यापर्यंत टिकून होते. या कालावधीत शिवार खरेदीत प्रति किलो २१ ते २७ रुपये दर शेतकऱ्यांना मिळाला. या कालावधीत कलिंगडाची आवक कमी होती. पण कलिंगड निर्यात सुरू होती. यामुळे दर स्थिर होते. पण आता कलिंगडाचे दर प्रति किलो सात ते साडेनऊ रुपये असे आहेत. कलिंगडाचे उत्पादन कमी आहे. पण दर कमी असल्याने शेतकऱ्यांना आर्थिक फटका बसत आहे..Watermelon Market: कलिंगड खरेदीत शेतकऱ्यांची लूट.सध्या खानदेशात कलिंगडाची प्रतिदिन १४ ते १५ ट्रक (एक ट्रक १६ टन क्षमता) आवक होत आहे. दर्जेदार कलिंगड खानदेशात आहे. खरेदीदार शेतकऱ्यांची आखातातील युद्ध, महागाई असे मुद्दे पुढे करून लूट करीत असल्याची नाराजी कलिंगड उत्पादक व्यक्त करीत आहेत..उथळ तज्ज्ञांमुळे लागवडीत सतत वाढकलिंगडाचे बाजार स्थिर राहतील, चांगला नफा मिळेल, एकरी २५ टन उत्पादनाचे दावे विविध किडनाशके, खतपुरवठादार, कलिंगड बियाणे पुरवठादार कंपन्यांचे प्रतिनिधी, रोपवाटिकाचालक, कृषी केंद्रचालक व अन्य उथळ तज्ज्ञ सतत व्यक्त करीत होते. खानदेशात केळी, टोमॅटो पिकात शेतकऱ्यांना नुकसान सहन करावे लागले. यामुळे शेतकरी दोन पैसे मिळतील, या अपेक्षेने कलिंगड पिकाकडे वळले. यातून कलिंगड लागवड सतत वाढली. .Watermelon Transport Issue : कलिंगडाची वाहतूक ठप्प.खानदेशात नोव्हेंबर ते जानेवारी या कालावधीत कलिंगडाची लागवड झाली. लागवड मागील हंगामाएवढी म्हणजेच सात हजार हेक्टर एवढी झाली. कलिंगडास एकरी ८५ ते ९० हजार रुपये खर्च आला आहे. सध्या एकरी ११ ते १२ टन उत्पादन येत आहे. यात खर्चही निघत नसून, कमी दरांमुळे मोठा तोटा येत असल्याची स्थिती खानदेशातील कलिंगड उत्पादकांसमोर तयार झाली आहे..कलिंगड उत्पादक नाडला जातोयखानदेशात होळीनंतर १३ ते १४ रुपये प्रति किलो असे दर होते. आता दर सात ते साडेनऊ रुपये असे आहेत. अनेक एजंट, खरेदीदार उधारीने खरेदी करीत आहेत. कटती, कमी दर देणे, काटामारी असे प्रकार सर्रास सुरू असून, कलिंगड उत्पादक नाडले जात आहेत, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
