Jalgaon News: अगोदरच कमी दर, अळी व किडींची समस्या यामुळे कापूस पीक आतबट्ट्याचे ठरू लागले आहे. अशात कापूस वेचणीची मजुरी महिन्यागणिक वाढत चालल्याने खानदेशातील शेतकरी मेटाकुटीस आले आहेत. .मागील महिन्यात कापूस वेचणीचे काम सुरू झाले. तेव्हापासूनच उत्पादकांना मजूरटंचाई भेडसावत आहे. वेचणीने बऱ्यापैकी वेग पकडलेला असतानाच मजुरीदरही सतत वाढत चालले आहेत. तसेच पिकात गुलाबी बोंड अळीचा शिरकाव झाल्याने बोंडे व्यवस्थित उमलत नाहीत. ती काढण्यास मजूर नकार देतात अथवा अधिक मजुरी मागतात..Cotton Price: कापूस कोंडी कशी फुटणार?.अनेक मजूर किलोनुसार कापूस वेचणी करण्याचे काम नाकारतात. प्रति रोज यानुसार मजुरीची मागणी केली जात आहे. त्यामुळे १८० ते २०० रुपये रोज अशी मजुरी सकाळी आठ ते दुपारी अडीच या दरम्यान कामासंबंधी द्यावी लागत आहे. एक मजूर सध्या आठ ते १० किलो कापसाची वेचणीदेखील करीत नसल्याची स्थिती आहे..Cotton Price: कापूस भावाला मजबूत आधार.यामुळे पिकाचा उत्पादन खर्च सतत वाढत आहे. परंतु अधिकचे दिवस वेचणी न केल्यास बोंडांचे उंदीर, खारूताई नुकसान करतात. तसेच त्याचा दर्जाही घसरतो. यामुळे शेतकरी कुटुंबीयांच्या मदतीने कापूस वेचणी करीत आहेत. कोरडवाहू क्षेत्रात एकरी ८० किलो ते एक क्विंटल उत्पादनही हाती येत नसल्याची स्थिती आहे..कापूस वेचणीची मजुरी वाढत आहे. ती आता परवडेनाशी झाली असून, शेतीतील ३० टक्के गुंतवणूक मजुरी खर्चात करावी लागत आहे. खते, बियाणे, आंतरमशागतीचा खर्च व मजुरी खर्च यात ८० टक्के निधी जात आहे. शेतकऱ्यांच्या हाती २० टक्केही पैसा राहत नाही. मच्छिंद्र पाटील, शेतकरी, रेल, ता. धरणगाव, जि. जळगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
