Jalgaon News: खानदेशात कापसाची आवक कमी आहे. एक ते दीड हजार क्विंटल कापूस बाजारात येत असून, दर नीचांकी स्थितीत आहेत. अद्यापही हमीभावाने खरेदी सुरू झाली नसल्याने शेतकऱ्यांत नाराजी आहे..सध्या खंडीसह (३५६ किलोची एक खंडी) सरकीचे दर हवे तसे नसल्याचे कारण खरेदीदार सांगत आहेत. सरकी दरात सुधारणा झाली, पण ही सुधारणा टिकत नसल्याचे सांगितले जात आहे. यामुळे कापसाचे दर खानदेशात दबावातच किंवा अपेक्षित नसल्याची स्थिती आहे. खानदेशात कापसाची बाजार समित्यांत कुठलीही आवक होत नाही..Cotton Procurement: कापूस खरेदी नोंदणी जलद व पारदर्शक करण्यासाठी ‘ॲग्रीस्टॅक पोर्टल’चा वापर करावा: पणन मंत्री जयकुमार रावल.कमाल कापसाची थेट किंवा खेडा खरेदी केली जाते. खेडा खरेदीत सध्या कापसाला ६२०० ते ६५०० रुपये प्रति क्विंटलचा दर दर्जेदार कापसाला मिळत आहे. तर कमी दर्जाच्या कापसाला खानदेशात ५००० रुपये दर प्रति क्विंटलला मिळत आहेत..Cotton Rate: धामणगाव रेल्वे बाजार समितीत कापसाला ७११० रुपयांचा दर.दरात मागील काही दिवसांत कुठलीही सुधारणा झालेली नाही. कापसाची आवक महिनाभरात वाढणार आहे. १५ ते २० दिवसांपूर्वी खानदेशात रोज ४०० ते ५०० क्विंटल कापसाची आवक होत होती. त्यात मागील काही दिवसांत सतत वाढ झाली आहे. काही शेतकरी थेट जिनिंग प्रेसिंग कारखान्यात कापूस नेवून तेथे विक्री करीत आहेत. तेथे दर्जेदार कापसाला ६५०० ते ६७०० रुपये प्रतिक्विंटलचा दर आहे. पण यासाठी वाहतूक भाडे लागत आहे..हमीभाव मिळत नाहीशासनाने मोठा गाजावाजा करून हमीभाव जाहीर केले, मात्र खेडा खरेदीत यंदा कापसाची हमीभावात खरेदीच सुरू झालेली नाही. केवळ कापूस खरेदीच्या बाता केल्या. परंतु कुठल्याही कापूस उत्पादक शेतकऱ्यास खानदेशात हमीभावाएवढे दर मिळालेले नाहीत. यामुळे शेतकऱ्यांत नाराजी व सरकारविषयी रोष आहे. दुसरीकडे कापूस महामंडळाने देखील (सीसीआय) कापूस खरेदी सुरू केलेली नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
