Kolhapur News: साखर उद्योगाच्या निर्यातीच्या मागणीचा सकारात्मक विचार करत केंद्र सरकारने अखेर १५ लाख टन साखर निर्यातीला परवानगी दिली आहे. याबाबतचा आदेश अद्याप निघाला नसला तरी केंद्रीय अन्नमंत्री प्रल्हाद जोशी यांनी कर्नाटकचे मुख्यमंत्री सिद्धरामय्या यांना दिलेल्या पत्रात ही माहिती दिली आहे. मोलॅसिसवरील ५० टक्के निर्यात शुल्क काढून टाकण्याचा निर्णय घेतल्याचेही त्यांनी पत्रात म्हटले आहे..गेल्या काही दिवसांपासून कर्नाटकात ऊस आंदोलन तीव्र झाले होते, या पार्श्वभूमीवर श्री. जोशी यांनी लवकरच होणाऱ्या या निर्णयाबाबतची माहिती दिली. अद्याप अंमलबजावणीचा कोणताही आदेश साखर उद्योगाला सोमवारी (ता.१०) दुपारपर्यंत प्राप्त झाला नव्हता..Sugar Exports: देशातून १५ लाख टन साखर निर्यातीला केंद्राकडून हिरवा कंदील, मोलॅसिसवरील निर्यात शुल्कही हटवले.साखर उद्योगाने वीस लाख टन साखर निर्यातीची मागणी केली होती. त्यानुसार १५ लाख टनास परवानगी मिळाली आहे. गेल्या वर्षीही केंद्राने दहा लाख टन साखरेच्या निर्यातीस परवानगी दिली होती. पण देशांतर्गत बाजारात दर चांगले असल्याने ८ लाख टनांपर्यंतच साखर निर्यात झाली होती. आंतरराष्ट्रीय दरानुसार यंदा सर्व साखर निर्यात करण्याचे आव्हान कारखान्यांपुढे असणार आहे..केंद्राने १८ जानेवारी २०२४ ला देशांतर्गत इथेनॉल उत्पादनाला चालना मिळावी आणि साखरेचे उत्पादन घटण्याच्या अंदाजानंतर मोलॅसिसची उपलब्धता सुनिश्चित व्हावी, या उद्देशाने मोलॅसिसच्या निर्यातीवर ५० टक्के निर्यात शुल्क आकारण्याचा निर्णय घेतला होता. ते निर्यात शुल्कही काढण्याचा निर्णय घेतला आहे,.Sugar Export : साखर उत्पादन वाढण्याची शक्यता; निर्यात कोटा २० लाख टनांपर्यंत वाढवा, उद्योगाची मागणी .यामुळे आंतरराष्ट्रीय बाजारात वाढलेल्या दराचा फायदा कारखानदारांना होऊ शकेल. यंदा देशांतर्गत बाजारातही मोलॅसिसचे दर चांगले राहण्याचा अंदाज आहे. इथेनॅालचे उत्पादन वाढल्यास डिस्टिलरीजना मोठ्या प्रमाणात मोलॅसिस लागू शकते. ज्या कारखान्यांकडे डिस्टिलरीज नाही त्यांनाही मोलॅसिस विक्रीतून चांगली रक्कम मिळू शकेल, असा अंदाज आहे..‘केंद्र सरकारने तातडीने आदेश काढावेत’केंद्राने याबाबत तातडीने आदेश काढून कालमर्यादा, कोटा याबाबतची माहिती द्यावी, अशी साखर उद्योगाची मागणी आहे. बंदरे जवळ असल्याने देशात सर्वाधिक निर्यात महाराष्ट्र व कर्नाटकातून होते. केंद्राने तातडीने अंमलबजावणीबाबत स्पष्टता दिल्यास उद्योगाला नियोजन करणे सोपे होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
