Kolhapur News: गेल्या हंगामात इथेनॉल निर्मितीसाठी कमी साखरेचा वापर झाल्याने केंद्र सरकार येणाऱ्या हंगामात साखर निर्यातीला परवानगी देण्याची शक्यता आहे. याबाबतचा निर्णय घेण्यासाठी पुढील आठवड्यात वरिष्ठ पातळीवर बैठक घेण्याबाबत हालचाली सुरू आहेत. यात संबंधित विभागाचे मंत्रीही सहभागी होतील. केंद्रीय अन्न सचिव संजीव चोप्रा यांनी बुधवारी (ता. २९) याला दुजोरा दिला..केंद्रीय अन्न मंत्रालयाच्या सूत्रांनी दिलेल्या माहितीनुसार, २०२४-२५ मध्ये इथेनॉल निर्मितीसाठी अंदाजित ४०.५० लाख टनांऐवजी ३०.४० लाख टन साखरेचा वापर झाला. या कमी वापरामुळे सध्या सुरू असलेल्या २०२५-२६ हंगामासाठी साखरेचा सुरुवातीचा साठा वाढला आहे. २०२५-२६ साठी साखरेचे उत्पादन ३४० लाख टन होण्याची अपेक्षा आहे. वार्षिक देशांतर्गत मागणी २८०.५० लाख टन आहे. त्यामुळे साखर अतिरिक्त होण्याची शक्यता आहे..Sugar Factory: साखर कारखाना वरदान ठरला; बिराजदार.गेल्या काही दिवसांपासून साखर उद्योगाने निर्यातीला परवानगी देण्याची मागणी लावून धरली होती. यावर सरकारकडून सकारात्मक प्रतिसाद येत असल्याचे सूत्रांनी सांगितले. यंदाच्या हंगामाची परिस्थिती व गेल्या वर्षीची साखर या बाबत सरकारच्या वतीने माहिती घेण्याचे काम सुरू असून लवकरच याबाबत चर्चा करून निर्णय घेण्यात येणार आहे. सध्या, आंतरराष्ट्रीय बाजारात शुद्ध साखरेचे दर फारसे अनुकूल नाहीत..Sugar Export : साखर निर्यातीचा मार्ग मोकळा होणार?.मात्र, कच्च्या साखरेसाठी निर्यात करणे शक्य होऊ शकते. कच्च्या साखरेसाठी निर्यात समानता शक्य असल्याने हंगामाच्या प्रारंभी निर्णय झाल्यास कच्च्या साखरेची निर्यात होऊ शकते. साखर उद्योगातील प्रतिनिधींनी सांगितले, की या हंगामात साखरेचा पुरवठा पुरेसा राहील आणि देशांतर्गत मागणी भागविल्यानंतर २० ते २५ लाख टन साखर निर्यात करण्याची क्षमता उद्योगाकडे आहे. केंद्राकडून हा निर्णय झाल्यास साखर उद्योगासाठी ते लाभदायक ठरू शकेल..कच्च्या साखरेची निर्यात शक्यगेल्या वर्षी केंद्राने हंगामाच्या मध्याला दहा लाख टन साखर निर्यातीला परवानगी दिली होती. सुरुवातीचा एक महिना वगळता गेल्या वर्षीचा हंगाम संपेपर्यंत कारखान्यांनी निर्यातीला फारसे प्राधान्य दिले नाही. आंतरराष्ट्रीय बाजारापेक्षा देशांतर्गत बाजारात दर चांगले असल्याने केंद्राने देशांतर्गत बाजारात साखर विक्री केली. यंदा लवकर परवानगी दिल्यास कच्ची साखर निर्यात होऊ शकते, असे कारखानदारांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
