Sindhudurg News: ऑक्टोबरच्या पहिल्या आठवड्यात काजूला फुटणारी पालवी तब्बल महिनाभराच्या विलंबानंतर फुटू लागली आहे. त्यामुळे या वर्षीचा काजू हंगाम महिनाभर लांबणार हे निश्चित मानले जात आहे. त्यामुळे साधारणपणे फेब्रुवारीच्या दुसऱ्या किंवा तिसऱ्या आठवड्यापासूनच काजू हंगामाला प्रारंभ होण्याची शक्यता आहे..जिल्ह्यात काजू पीक लागवडीखाली ७९ हजार हेक्टर क्षेत्र असून ६५ हजार हेक्टर काजू पीक उत्पादनक्षम आहे. काजू पिकापासून जिल्ह्याची उलाढाल १२०० ते १५०० कोटींपर्यंत होते. संपूर्ण जिल्हा काजू पीक उत्पादनाला पोषक असल्याने सर्वच गावांमध्ये काजू लागवड आहे. त्यामुळे काजू पिकावर जिल्ह्यातील अधिकतर शेतकऱ्यांचे अर्थकारण अवलंबून असते. परंतु लांबलेल्या पावसामुळे काजू हंगाम लांबणार हे आता निश्चित झाले आहे..Cashew Farming: नवीन काजू बागेत अन्नद्रव्ये व्यवस्थापनावर भर.या वर्षी जिल्ह्यात अजूनही पाऊस सुरू आहे. गेले चार-पाच दिवस उघडीप आणि कडक ऊन पडल्याने आता पालवी फुटण्याची प्रकिया सुरू झाली आहे. सरसकट झाडांना पालवी येण्यास अजूनही आठवडाभराचा कालावधी लागण्याचा अंदाज आहे. नोव्हेंबरच्या अखेरच्या आठवड्यात किंवा डिसेंबरच्या पहिल्या आठवड्यात पूर्ण क्षमतेने काजूची झाडे मोहोरतील असा अंदाज आहे..Mango-Cashew Crop Damage : बागायतदार आर्थिक संकटात.दुसऱ्या टप्प्यातील पिकाची आशा धूसरहंगाम विलंबाने सुरू होणार असल्याने शेतकऱ्यांना दुसऱ्या टप्प्यातील पीक मिळण्याची शक्यता कमी आहे. पहिला हंगाम लवकर संपल्यास दुसरा टप्प्यात शेतकऱ्यांना दहा टक्क्यांपर्यंत उत्पादन मिळते. परंतु या वर्षी दुसऱ्या टप्प्यातील उत्पादन मिळण्याची आशा धूसर झाली आहे..तब्बल एक महिन्याने काजू पिकाला पालवी फुटण्यास सुरुवात झाली आहे. त्यामुळे काजू हंगाम एक महिना लांबणार हे निश्चित आहे. याचा विपरित परिणाम दुसऱ्या टप्प्यात मिळणाऱ्या काजू उत्पादनावर होणार आहे.प्रमोद लोके, काजू उत्पादक, खांबाळे, ता. वैभववाडी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
