Sindhudurg News: अनेक संकटांवर मात करीत सिंधुदुर्गात या वर्षीच्या काजू हंगामाला प्रारंभ झाला आहे. बांदा बाजारपेठेत काजू बी खरेदीला सुरुवात झाली असून प्रति किलो १७० ते १८० रुपये दर मिळत आहे. महिनाभर विलंबाने हंगाम सुरू झाला असल्याने पालवी काजू हंगामाला काजू उत्पादक मुकण्याची शक्यता आहे..यावर्षी ८ नोव्हेंबरपर्यंत पाऊस लांबला. त्यामुळे ऑक्टोबर महिन्याच्या पहिल्या किंवा दुसऱ्या आठवड्यात झाडांना येणारी पालवी आलीच नाही. त्यानंतर नोव्हेंबरच्या अखेरीपासून थंडीला सुरुवात झाली आणि झाडांना पालवी, मोहर यायला सुरुवात झाली..Cashew Crop Damage: सिंधुदुर्ग जिल्ह्यात काजू बी काळवंडली.त्यामुळे काजू हंगाम महिनाभर लांबणार हे स्पष्ट होते. थंडीमुळे मोहर आला, परंतु थंडीचा कालावधी वाढल्यामुळे सुरुवातीला अपेक्षित फळधारणा झाली नाही..Cashew Seed Subsidy: काजू बी अनुदानासाठी ६ लाखांचा निधी.ढगाळ वातावरण, दाट धुके त्यामुळे किडरोगांचा वाढलेला प्रादुर्भाव अशा अनेक संकटांचा सामना करीत आता काजू हंगामाला सुरुवात झाली आहे. दोडामार्ग, सावंतवाडी तालुक्यांतील काही गावांमध्ये काजूला बहर येण्यास सुरवात झाली आहे..सोमवारपासून (ता.२) जिल्ह्यातील बांदा (ता.सावंतवाडी) बाजारपेठेत काजू बी खरेदीला येऊ लागली आहे. व्यापाऱ्यांनी या वर्षी काजू बीला प्रतिकिलो १७० रुपये जाहीर केला आहे. तर सिंधुदुर्ग उत्पादक शेतकरी कंपनीने काजू बीला प्रति किलोला १८० रुपये दर जाहीर केला आहे. काजू बी ची आता खरेदी-विक्री सुरू झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
