Jalgaon News: खानदेशात मागील आठवड्यात केळीच्या आवकेत मोठी घट झाली आहे. परंतु दर अस्थिर असून, मध्य प्रदेशातील बऱ्हाणपुरातील व्यापारी लॉबी दर पाडत असल्याचा आरोप शेतकरी करीत आहेत. .खानदेशात केळीची थेट किंवा शिवार खरेदी केली जाते. खानदेशात दर्जेदार केळी काढणीवर आहे. मध्य प्रदेशात मात्र जुनारी बागा, पिलबाग केळीमधून केळीची आवक बाजार समितीत होत असून, तेथे केळीचे लिलाव होत आहेत. कमी दर्जाची केळी तेथे अधिक येत आहे. तेथे केळी दरात फारशी वाढ झालेली नाही..Banana Cultivation: खानदेशात केळी लागवड बंदावस्थेत.आवकेत तेथे घट होऊनही दर अस्थिर असल्याचा प्रकार घडला आहे. तेथे कमाल दर १०५० रुपये तर किमान दर ५११ रुपये प्रति क्विंटल, असे शुक्रवारी (ता. १२) होते. केळीची आवक तेथे २५ ते ३० ट्रक (एक ट्रत आठ ते १० टन क्षमता) आहे. तेथे सात ते आठ दिवसांपूर्वी देखील केळी आवक २५ ते ३० ट्रक होती..Banana Market: खानदेशात केळी आवकेत वाढ; दरात सुधारणेचा कल.दुसरीकडे खानदेशात मध्य प्रदेशातील बऱ्हाणपूर येथील दरांनुसार केळीची खरेदी केली जात असून, तेथील दरांबाबतच्या घडामोडींचे दाखले देऊन खरेदीदार कमी दरात केळीची खरेदी करीत आहेत. यामुळे रावेर, चोपडा येथे केळीचे लिलाव करून दर जाहीर करावेत व त्यानुसार केळीची शिवार खरेदी करावी, अशी मागणी शेतकरी करीत आहेत..खानदेशातही केळीची आवक घटली आहे. कारण कांदेबाग केळीमधील काढणी ९५ टक्के पूर्ण झाली आहे. आता उशिराचे कांदेबाग, नवती केळीमधून केळीची काढणी सुरू आहे. या केळीचे दर किमान ६०० रुपये प्रति क्विंटल, असे आहेत. कमाल दर १२०० ते १३०० रुपये प्रति क्विंटल असे आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
