Nagpur News : दरात तेजी आल्याने हिरव्या मिरचीचा तोडा करून बाजारात विक्रीसाठी आणला जात आहे. यामुळे लाल मिरचीच्या आवकेवरही परिणाम झाला असून, दर २३ हजार रुपये क्विंटलवर पोहोचले आहेत, अशी माहिती भिवापूर बाजार समितीचे सचिव रामकृष्ण गोंगल यांनी दिली..देशांतर्गत बाजारपेठेत हिरव्या मिरचीला मागणी वाढली आहे. मात्र मिरचीचा हंगाम अंतिम टप्प्यात असल्याने हिरव्या मिरचीची उलाढाल होणाऱ्या बाजारात अपेक्षित आवक होत नसल्याचे चित्र आहे. त्यामुळेच गेल्या दीड ते दोन महिन्यांपूर्वी दोन हजार रुपये क्विंटल याप्रमाणे हिरव्या मिरचीचे व्यवहार झाले. आता मात्र हिरव्या मिरचीच्या दरात तेजी अनुभवली जात असून, दर ६००० रुपये क्विंटलवर पोहोचले असल्याची माहिती व्यापारी सूत्रांनी दिली..Byadgi Chilli: कर्नाटकात ब्याडगी मिरचीला मिळाला क्विंटलला ९० हजार दर.या पुढील काळात हिरव्या मिरचीचे दर आणखी वधारण्याची शक्यता वर्तवली जात आहे. हिरव्या मिरचीचा तोडा केल्यानंतर त्याच झाडावर पुन्हा फुलधारणा व मिरचीची लागण होते. या संपूर्ण प्रक्रियेकरिता कालावधी देखील कमी लागतो. त्यामुळे बहुतांश शेतकरी हिरव्या मिरचीच्या विक्रीवरच भर देत आहेत. या माध्यमातून त्यांना चांगला परतावा मिळत असल्याचे चित्र आहे. .याउलट लाल मिरचीसाठी त्यांना झाडावरच वाळवावे लागत आहे. यामध्ये बराच कालावधी खर्च होतो. सोबतच दुबार उत्पन्नाची कोणती शाश्वती राहत नाही. त्यामुळे बहुतांश शेतकरी हिरव्या मिरचीच्या विक्रीला प्राधान्य देत आहेत. याचा परिणाम भिवापूर बाजार समितीमधील लाल मिरचीच्या आवकेवर झाल्याचे सांगितले जात आहे..Gavaran Chillies: पारोळा येथील बाजारात गावरान मिरचीला मागणी.या कालावधीत लाल मिरचीची आवक सरासरी १००० क्विंटलपेक्षा अधिक राहते. सद्यःस्थितीत मात्र भिवापूर बाजार समितीत लाल मिरचीची आवक पन्नास ते शंभर क्विंटल या दरम्यान असल्याचे सचिव रामकृष्ण गोंगल यांनी सांगितले. अशीच स्थिती राहिल्यास आवक आणखी कमी होण्याची शक्यता वर्तविण्यात आली आहे..भिवापूर बाजार समितीअंतर्गत हैदराबाद परिसरातून लाल मिरचीची आवक होते. या परिसरात मिरचीचा शेंडा खुडणारे कौशल्यपूर्ण कामगार आहेत. मिरचीचा देठ काढून ती देशाच्या इतर भागांत पाठवली जाते. या मिरचीवर संबंधित बाजार समितीत सेस आकारला असल्याने भिवापूर बाजार समितीला त्याचा कोणताच फायदा होत नाही..भिवापूर बाजार हा हिरव्या व लाल मिरचीच्या आवकेसाठी प्रसिद्ध आहे. मात्र सध्या हिरव्या मिरचीला अधिक दर असल्याने लाल मिरचीच्या आवकेवर त्याचा परिणाम झाला आहे. सध्या लाल मिरचीला २३ हजार रुपये क्विंटलचा दर मिळत आहे, तर हिरव्या मिरचीचे दर सहा हजार रुपये क्विंटलपेक्षा अधिक आहेत.रामकृष्ण गोंगल, सचिव, बाजार समिती, भिवापूर, नागपूर.राजुरा बाजार समिती ही हिरव्या मिरचीच्या उलाढालीसाठी देशभरात प्रसिद्ध आहे. सध्या हिरव्या मिरचीचा हंगाम अंतिम टप्प्यात असल्याने दर पूर्वीच्या दोन हजार रुपयांवरून थेट ६५०० ते ७००० रुपये क्विंटलवर पोहोचले आहेत.मुन्ना चांडक, व्यापारी, राजुरा बाजार, अमरावती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
