Maharashtra Betel Leaf Market: महिनाभरापूर्वी खाऊच्या पानांना अपेक्षित मागणी नसल्याने दर दबावात होते. मात्र श्रावण महिन्यात पूजेसाठी मागणी वाढल्याने पानांच्या दरात सुधारणा झाली आहे. सध्या दर्जानुसार खाऊच्या पानांना प्रति तीन हजार पानांमागे ५०० ते १५०० रुपये दर मिळत असून, आगामी काळात दर स्थिर राहण्याची शक्यता पान उत्पादक शेतकऱ्यांनी व्यक्त केली आहे. .दर वाढले असले, तरी मिळणारा दर आणि उत्पादन खर्च यांचा ताळमेळ बसविणे कठीण झाले आहे. एप्रिल आणि मे महिन्यांतील कडक उन्हाचा तीव्र फटका पानमळ्यांना बसला होता. वाढत्या उष्णतेमुळे वेलींना अपेक्षित फुटवा मिळाला नाही. त्यामुळे उत्पन्नावर प्रतिकूल परिणाम झाला. मात्र जून आणि जुलै महिन्यात पोषक वातावरणामुळे पानांचा दर्जा व गुणवत्ता सुधारली..Betel Leaf Heatwave Impact: खाऊच्या पानमळ्यांना वाढत्या उष्णतेची झळ.उत्पादन आणि गुणवत्ता सुधारली असली, तरी गेल्या दीड महिन्यापासून पानांच्या बाजारपेठेत चिंतेचे वातावरण होते. मुंबई, पुणे, नाशिक, रत्नागिरी, लातूर, धाराशिव, पंढरपूर या प्रमुख पेठांसह गुजरातमध्येही पानांची मागणी घटल्याने बाजारातील उठाव मंदावला होता. परिणामी, गेल्या दीड महिन्यात पानांच्या दरात वाढ झाली नाही..Papaya Price: मागणी वाढल्याने पपईच्या दरात सुधारणा.श्रावण महिन्यात पूजेसाठी पानांची मागणी अधिक असते. त्यामुळे या कालावधीत मागणी वाढली असून दरही सुधारले आहेत. श्रावणानंतर गणेशोत्सव, दसरा आणि दिवाळी हे सण आहेत. त्यामुळे या कालावधीत खाऊच्या पानांची मागणी आणि दर स्थिर राहतील, असा अंदाज पान उत्पादक शेतकऱ्यांनी व्यक्त केला आहे..पानांचे दर (प्रति तीन हजार)कळी : ५०० ते १०००हक्कल : ३०० ते ६००फाफडा : ५०० ते १५००.गेल्या दीड महिन्यांच्या प्रदीर्घ मंदीनंतर आता कुठे पानांच्या दरात वाढ झाली असली, तरी मिळणारा दर आणि उत्पादन खर्च यांचा ताळमेळ बसविणे कठीण आहे. परंतु येणाऱ्या सणांमध्ये दर स्थिर राहतील, असा अंदाज आहे.चंद्रकांत खाडे, पान उत्पादक शेतकरी, बेडग, ता. मिरज.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
