Sangli News: अफगाणिस्तानचा म्हणून चीनच्या बेदाण्याची बाजारामध्ये आवक झाली होती. मात्र शेतकरी, व्यापारी आक्रमक झाल्यामुळे या बेदाण्याची आवक आता थांबली आहे. त्यामुळे स्थानिक बेदाण्याच्या दरात प्रति किलो १५ ते २० रुपयांची वाढ झाली असल्याने स्थानिक बेदाणा उत्पादक शेतकऱ्यांना दिलासा मिळाला आहे. बेदाण्याचे दर स्थिर राहतील, असा अंदाज बेदाणा उद्योगातील जाणकारांनी व्यक्त केला आहे..सांगली, तासगाव बाजारात समितीत चीनच्या बेदाण्याची अफगाणिस्तानमार्गे बेकायदा घुसखोरी झाली होती. सौद्यात हा बेदाणा काही व्यापाऱ्यांनी विक्रीसाठी आणला होता. त्याचा परिणाम दरावरही झाला होता..Raisin Smuggling: बेदाणा तस्करीप्रश्नी शीतगृहांची तपासणी करून कारवाई करा.याचा फटका इतर बाजार समित्यांतही सौद्याला बसला होता. हा सारा प्रकार द्राक्ष संघाने उघडकीस आणला. बेदाणा उत्पादक शेतकरी आक्रमकही झाले होते. त्यावर व्यापाऱ्यांनी अशा पद्धतीने बेदाणा विक्रीला आणणे चुकीची आहे, असेही सांगितले. त्यानंतर बेकायदा आलेल्या बेदाण्याची आवक थांबली आहे..Bedana Import: वाढती बेदाणा आयात उत्पादकांच्या मुळावर.सद्यःस्थितीत १२०० ते १३०० गाडी म्हणजे १२ ते १३ हजार टन बेदाणा शिल्लक असल्याचा अंदाज बेदाणा उद्योगातील जाणकारांनी व्यक्त केला आहे. स्थानिक बेदाण्याला काही प्रमाणात उठावही होऊ लागला आहे. त्यामुळे गेल्या चार ते पाच दिवसांत दरात हळूहळू सुधारणा झाली आहे. हिरव्या बेदाण्याला प्रति किलोस ३२० ते ४०० दर काळ्या बेदाण्याला १५० ते १८० रुपये असा दर आहे..बाहेरच्या बेदाण्याची आवक पूर्णपणे थांबली आहे. त्यामुळे स्थानिक बेदाण्याला मागणी काही प्रमाणात वाढली आहे. दरात वाढ होत आहे. बेदाण्याचे दर स्थिर राहतील, असा अंदाज आहे.सुशील हडदरे, बेदाणा व्यापारी, सांगली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
