Jalgaon News: खानदेशात नवती व आगाप कांदेबाग केळी बागांची काढणी सुरू आहे. परंतु प्रचलित दरांच्या तुलनेत ३०० ते ४०० रुपये कमी दरात केळी खरेदीचा प्रकार सुरू आहे. यासंबंधी शुक्रवारी (ता.२९) मध्य प्रदेशातील बऱ्हाणपूर व जळगाव प्रशासनाच्या बैठकीचे आयोजन करण्यात आले होते. पण ही बैठक झाली नाही. .मध्य प्रदेशातील बऱ्हाणपूर येथील प्रशासनाने या बैठकीसंबंधी प्रतिसाद न दिल्याने बैठक होऊ शकली नाही, अशी माहिती मिळाली. सध्या जळगाव, यावल, रावेर, मुक्ताईनगर, चोपडा, नंदुरबारातील शहादा, तळोदा आदी भागांत केळीची आवक सुरू आहे. नफेखोरीसाठी खरेदीदार कमी दरात खरेदी करीत आहेत. यात खानदेशातील केळीची खरेदी बऱ्हाणपुरातील केळीच्या लिलावातील दरांनुसार केली जाते..Banana Cultivation : पावसामुळे केळी लागवड रखडली.जळगाव जिल्ह्यात रावेर, यावल, चोपडा या बाजार समित्या जे दर जाहीर करतात, त्यानुसार केळीची खरेदी केली जात नाही. बऱ्हाणपुरात केळीचे दर कमाल १५०० व किमान ६११ रुपये प्रति क्विंटल एवढेच लिलावात जाहीर होत आहेत. या दरात खानदेशातील केळीची शिवार खरेदी शेतकऱ्यांसाठी नुकसानकारक ठरत आहे..Banana Rate: हंगामी फळांची आवक वाढली, केळी दरांना फटका.यावल, रावेर बाजार समितीने जाहीर केलेल्या दरांपेक्षा ३०० ते ४०० रुपये कमी दरात खानदेशात केळीची शिवार खरेदी केली जात आहे. त्यामुळे शेतकऱ्यांना त्याचा फटका बसत आहे. खरेदीदार शेतकऱ्यांना केळीच्या काढणीचे आश्वासन देत आहेत. परंतु वेळेत केळीची काढणी करीत नाहीत..केळीचे दर अल्प असल्याने खर्चही निघत नाही. बऱ्हाणपुरात खरेदीदारांची लॉबी सक्रिय आहे. तेथील प्रशासनही खरेदीदारांवर कारवाई करीत नाही. यामुळे जळगाव जिल्ह्यातील केळी उत्पादक अडचणीत आले आहेत. याबाबत शेतकऱ्यांनी जलसंपदामंत्री गिरीश महाजन यांच्याकडे तक्रार केली होती. यानुसार शुक्रवारी या बैठकीचे आयोजन भुसावळ येथे करण्यात आले होते. पण ही बैठक झालीच नाही. त्यासाठी जळगाव जिल्हा प्रशासनाने प्रयत्न केले. पण बऱ्हाणपुरातून त्यास प्रतिसाद मिळाला नसल्याची माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
