Jalgaon Banana Market Update: खानदेशात केळीची आवक कायम आहे. दररोज ३६५ ट्रक (एक ट्रक १६ टन क्षमता) केळीची आवक होत असून दर स्थिर आहेत. अन्य राज्यांतून केळीची उत्तरेकडे कमी पाठवणूक सुरू असल्याने मोठी स्पर्धा खानदेशी केळीसमोर नाही. .केळीदर सध्या १२००, १६०० ते २३५० रुपये प्रति क्विंटल असे आहेत. मध्यंतरी किंवा मागील महिन्यात सुरुवातीला केळीदर ११००, १४०० ते २००० रुपये प्रति क्विंटल असे झाले होते. परंतु दरांबाबत प्रशासनाने हस्तक्षेप केला. व्यापाऱ्यांना तंबी दिली. यानंतर केळीदरात किंचित सुधारणा झाली. .Banana Production: कांदेबाग केळी उत्पादनात घट येणार.परंतु मागील सात ते आठ दिवसांत केळी दरात फारशी सुधारणा झालेली नाही. जळगाव जिल्ह्यात २८० ट्रक आवक आहे. तर धुळे व नंदुरबारात मिळून ८० ते ८५ ट्रक केळीची आवक होत आहे. नंदुरबारात शहादा, तळोदा भागात आवक आहे. दर्जेदार केळीची आवक सध्या आहे..Banana Variety Selection: कमी पावसातील लागवडीसाठी केळीचा कंद निवडताना काय तपासावे?.जळगाव जिल्ह्यात रावेर, यावल, मुक्ताईनगरात अधिकची केळीच आवक होत आहे. तर जामनेर, पाचोरा, भडगाव, जळगाव भागातही काहीशी कमी आवक आहे. काश्मिरात पाठवणुकीच्या केळीचे दर २३५० रुपयांपर्यंत आहेत. तर अन्य भागातील पाठवणुकीच्या केळीचे दर मात्र कमी आहेत. कमी दर्जाच्या केळीला १२०० ते १६०० रुपये प्रति क्विंटलचा दर आहे..अन्य राज्यांतील केळीची आवक अल्पअन्य राज्यांतील केळीची आवकही सुरू असून, ही आवक अल्प आहे. उत्तर भारतात खानदेशातून केळीची मागणी यंदा बऱ्यापैकी सुरू आहे. खानदेशातील केळीची मोठी बाजारपेठ उत्तरेकडे म्हणजेच दिल्ली, उत्तर प्रदेश, राजस्थान, पंजाब, काश्मिर येथे आहे. याच भागात मध्य प्रदेश, गुजरातमधून केळीची पाठवणूक सुरू आहे. पण यंदा खानदेशी केळीसमोर अन्य राज्यांच्या केळीची स्पर्धा कमी आहे, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
