Jalgaon News: खानदेशात केळी दराचा प्रश्न मागील तीन महिने कायम आहे. एप्रिल व मे महिन्यांत केळी दर टिकून होते. जूननंतर दर सतत कमी झाले. आता जे केळी दर बाजार समित्यांकडून जाहीर होत आहेत, त्या दरात खरेदी केली जात नसल्याची तक्रार कायम असून, या प्रश्नी जिल्हाधिकारी आयुष प्रसाद यांनी बैठक घेतल्यानंतरही केळी दरात सुधारणा, खरेदीसंबंधी सुसूत्रता आलेली नाही. खरेदीदार मनमानी करीत असल्याची माहिती आहे. .केळी दरांचा प्रश्न मध्य प्रदेशातील बऱ्हाणपूर बाजार समितीमधील लिलावामुळे किंवा तेथील कमी दरातील खरेदीमुळे तयार होत असल्याची तक्रार आहे. याबाबत मध्यंतरी रावेरातील शेतकरी, बाजार समिती प्रशासन, पदाधिकारी आदींनी बऱ्हाणपूर येथील बाजार समितीच्या सदस्य, सचिव यांच्याशी चर्चा केली..Banana Market : हिंगोली जिल्ह्यात केळीचे दर गडगडले.यानंतर जिल्हाधिकारी प्रसाद यांनी बऱ्हाणपूर येथील जिल्हाधिकाऱ्यांसोबत व्हीडीओ कॉन्फरन्सद्वारे बैठकही घेतली. यात कमी दरात केळी खरेदीसंबंधी कारवाई, ऑनलाईन लिलाव, विनापरवानाधारकांची चौकशी याबाबत चर्चा झाली होती. पण केळी दरातील घसरण व खरेदीदारांची मनमानी सुरूच आहे. दर कमी आहेत. या बैठकीनंतर केळी दरांवर बऱ्हाणपूर बाजार समितीने नियंत्रण आणलेले नाही. केळीची कमी दरात खरेदीचा प्रकार सुरूच आहे..Banana Rate: केळी दरावर दबाव वाढला.या स्थितीत शेतकऱ्यांनी पुन्हा एकदा जळगाव जिल्हा प्रशासनाकडे या प्रश्नी लक्ष देऊन हस्तक्षेप करण्याची मागणी केली आहे. यात केळी दरप्रश्नी व्यापारी शेतकऱ्यांची कोंडी करीत आहेत. वारंवार हा प्रकार होत असून, जिल्हा प्रशासनाने याबाबत कायमस्वरूपी तोडगा काढावा, अशी मागणी शेतकरी करीत आहेत. रावेर, यावल, चोपडा, मुक्ताईनगर व अन्य भागातील शेतकरी, बाजार समितीचे पदाधिकारी, जिल्हा उपनिबंधक कार्यालयाशी संबंधित मंडळीने केळी दरप्रश्नी हस्तक्षेप करावा, अशी मागणी होत आहे..रावेरात जाहीर लिलावाची तयारी अपूर्णचबऱ्हाणपूर रोज केळीचे लिलाव होतात. त्यात केळीचा दर्जा व अन्य बाबी लक्षात घेऊन दर जाहीर होतात. परंतु तेथे सध्या दर जाहीर करताना पारदर्शकता नसल्याची तक्रार आहे. यात रावेरातही रोज केळीचे लिलाव केले जातील, त्यात केळीची आवक व दर्जा यानुसार जाहीर लिलावाद दर जाहीर होतील, यात पारदर्शकता राहील, शेतकरी हित जोपासले जाईल, असा विचार शेतकरी, बाजार समिती प्रशासनाने केला होता. पण जाहीर लिलाव बाजार समितीत होत नसल्याची स्थिती आहे. याबाबत जिल्हाधिकारी यांनी रावेर बाजार समितीच्या पदाधिकाऱ्यांना योग्य त्या सूचना देवून कार्यवाही करावी, अशीही मागणी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
