Jalgaon News : केळी दर प्रश्नी नुकतीच मध्य प्रदेशातील बऱ्हाणपूर व जळगाव येथील जिल्हाधिकारी यांची व्हीडीओ कॉन्फरन्सिंग बैठक झाली. यात केळी दरातील घसरण व केळीचा व्यापार यासंबंधी चर्चा झाली. केळी दरातील घसरणीबाबत चिंता व्यक्त करण्यात आली. त्यात केळीच्या शिवार खरेदीत फसवणूक होवू नये, कमी दर देण्याचे प्रकार होवू नयेत यासाठी तपासणी, चौकशीसत्र राबविण्यावर निर्णय झाला. .जळगावचे जिल्हाधिकारी आयुष प्रसाद यांनी बऱ्हाणपूर येथील जिल्हाधिकारी हर्ष सिंह यांच्याशी व्हिडिओ कॉन्फरन्सद्वारे केळी व्यापाराच्या विविध मुद्यांवर चर्चा केली. केळी दर बऱ्हाणपूर येथील केळी लिलावानुसार खानदेशात निश्चित केले जातात. .Banana Rate : व्यापाऱ्यांनी लॉबी करत पाडले केळीचे दर .यामुळे तेथील केळी लिलावात पारदर्शकता व्हावी. केळीचे किमान दर अतिशय कमी आहेत. यावर नियंत्रण असावे, आदी मुद्दे जिल्हाधिकारी प्रसाद यांनी उपस्थित केले. त्यात बऱ्हाणपूर येथील जिल्हाधिकारी हर्ष सिंह यांनी विविध आश्वासने दिली व आपल्या स्तरावर काय कार्यवाही करू, याबाबत सांगितले..लिलाव यू-ट्यूबवर दिसणारसिंह म्हणाले, येत्या काही दिवसांत बऱ्हाणपूर येथील बाजार समितीमधील केळीचा लिलाव यू ट्यूबवर थेट प्रक्षेपित करण्यात येईल. तसेच सर्व बाजार समित्यांना यासंबंधी कार्यवाही करण्याबाबत कार्यवाही होईल..Banana Export: उळे शेतकरी कंपनीची ओमानला केळी निर्यात .किमान दरपद्धतीत सुसूत्रताव्यापारातील किमान दर आता किमान २० व्यवहारांच्या सरासरीवर आधारित असेल. केवळ सर्वात कमी दर ग्राह्य धरला जाणार नाही. यामुळे शेतकऱ्यांना अधिक दर मिळेल. बऱ्हाणपूरचे जिल्हाधिकारी म्हणाले, आमच्या स्तरावर शेतकरी व व्यापाऱ्यांशी बैठक घेतली आहे. .त्यात उत्तर भारतातील अनेक प्रमुख बाजारपेठांमध्ये झालेल्या अतिवृष्टी व पूरस्थितीमुळे मागणी तात्पुरती घटली आहे. मात्र ही परिस्थिती तात्पुरती असून समस्या दूर झाल्यास केळीचा उठाव वाढू शकतो. तसेच दसरा-दिवाळीच्या सणासुदीच्या काळात मागणीत वाढ होऊन दर स्थिर होण्याची अपेक्षा आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
