Jalgaon News : केळी दर यंदा कमी आहेत. दुसरीकडे केळी खरेदीत एक क्विंटलमागे तीन किलो काटामारी करून केळी उत्पादकांची लूटही सुरू आहे. याकडे प्रशासनाचे दुर्लक्ष असून, शेतकऱ्यांत संताप आहे. केळी खरेदीत कटती किंवा काटामारीचा प्रकार यंदा अधिक सुरू आहे. हा प्रकार मागील वेळेसही होता. तक्रारी केल्या, पण कुठेही कारवाई नसल्याने या प्रकारास चाप बसलेला नाही..खानदेशात केळीची थेट किंवा शिवार खरेदी केली जाते. बाजार समित्यांत कुठलीही आवक केळीची होत नाही. सर्व व्यवहार थेट किंवा शिवार खरेदीत होत असल्याने बाजार समित्यांकडे त्याची नोंद नसते. याचा लाभ खरेदीदार मंदीच्या काळात अधिक घेत आहेत. अनेक खरेदीदारांकडे खरेदी परवाना नाही. बाजार समित्यांकडे त्यांची काहीही नोंद नाही. अशातही केळी खरेदीचे व्यवहार सुरू आहेत..Banana Market: खानदेशात केळीची आवक घटू लागली.क्विंटलमागे तीन किलो कटतीएक क्विंटल केळीच्या खरेदीमागे तीन किलो केळी अधिकची खरेदीदार घेत आहेत. काही भागात चार किलो कटतीदेखील आहे. या तीन किलो केळीसाठी कोणताही मोबदला खरेदीदार देत नाहीत. तीन किलो सूट, असा प्रकार यास म्हटले जाते. केळीची वाहतूक व अन्य कार्यवाहीत घट येते, नुकसान येते, हे नुकसान शेतकऱ्यांकडून एक क्विंटल केळीमागे तीन किलो केळी अधिकची घेऊन भरून काढण्याचा प्रकार खरेदीदार सर्रास करीत आहेत. .Banana Cultivation : कांदेबाग केळी लागवडीची तयारी.याचा अर्थ १०० क्विंटल केळी खरेदीमागे खरेदीदार शेतकऱ्याकडून तीन क्विंटल केळी विना मोबदला घेत आहे. सध्या केळीला जागेवर ६०० ते १००० रुपये प्रति क्विंटलचा दर आहे. कमी दर असतानाच कटतीमुळे वित्तीय हानी अधिक होत आहे..घडदांडा वजनाची अट व लूटअनेक खरेदीदार बॉक्स, क्रेटमध्ये पॅकिंग करून तसेच ट्रकमध्ये फक्त केळीच्या फण्या रचून केळीची थेट खरेदी करतात. यात केळीच्या फण्या घडाच्या दांड्यापासून वेगळ्या कराव्या लागतात. या घडाच्या दांड्याचे फक्त ७०० ग्रॅम एवढे वजन खरेदीदार गृहीत धरतात. या दांड्याचे वजन एक ते सव्वा किलो एवढे असते. यामुळे किमान सव्वा किलो वजन या दांड्याचे गृहीत धरले जावे, अशी मागणीही कायम आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
