Jalgaon News : राज्यातून केळीची निर्यात बऱ्यापैकी असून, सध्या दररोज १०० ते १०५ कंटेनर (एक कंटेनर २० टन क्षमता) केळीची निर्यात सुरू आहे. केळी निर्यातीत सोलापूरची आघाडी कायम आहे. मागील काही दिवसांत निर्यात वाढली असून, सध्या ती स्थिर आहे. कंटेनरचा तुटवडा नसून, आखाती देशांत दर्जेदार केळीस मागणी आहे..निर्यातीच्या केळीला १५०० ते १६०० रुपये प्रति क्विंटलचा दर खानदेशात व अन्य भागांत आहे. सोलापुरात मात्र निर्यातीच्या केळीचे दर प्रति क्विंटल २००० ते २१०० रुपये दर आहे. केळीची काढणी वाढली असून, आवक बऱ्यापैकी आहे..Banana Market: केळीच्या शिवार खरेदीत बाजार समित्यांकडून शुल्क वसुली.खानदेशातून नंदुरबारातूनही केळीची निर्यात सुरू आहे. पण सध्या खानदेशात सर्वाधिक आठ ते १० कंटेनर केळीची निर्यात जामनेरातून (जि. जळगाव) होत आहे. तेथे चार-पाच कंपन्या केळी निर्यातीसंबंधी काम करीत आहेत. कमी दर्जाच्या केळीला कमी दर आहे. हंगामी कांदेबाग केळी बागांमधून निर्यातक्षम केळीची आवक वाढली आहे. जशी ऑक्टोबरची उष्णता वाढेल, तशी आवकही वाढेल..जळगाव जिल्ह्यात केळीची आवक सध्या स्थिर किंवा मागील हंगामाच्या तुलनेत अधिक आहे. रावेर, यावल व मुक्ताईनगरात पुढे आवक कमी होईल. पण केळीची निर्यात वाढेल. सध्या नंदुरबारातील शहादा येथूनही केळी आखातात पाठविली जात आहे. खानदेशात काही शेतकरी गट व निर्यातदार कंपन्या युरोपातही केळी निर्यातीसाठी प्रयत्न करीत आहेत. .Banana Price: केळी दरप्रश्न कायम.त्यासंबंधीची कार्यवाही सुरू असून, दरात पुढे किंचित वाढ होईल, असेही दिसत आहे. सोलापुरातून रोज ८० ते ८२ कंटेनर ट्रक केळीची पाठवणूक आखातात होत आहे. तेथे इराणमध्ये पाठवणुकीची (प्रीमियम) केळी अधिक उपलब्ध होत आहे. जळगाव जिल्ह्यात इराकमध्ये पाठवणुकीची केळी अधिक आहे..इराणला हवी दर्जेदार केळीइराणमध्ये दर्जेदार केळीची मागणी आहे. तेथे पाठवणुकीच्या केळीला २००० ते २१०० रुपये प्रति क्विंटलचा दर मिळत आहे. तर इराकमध्ये पाठवणुकीच्या केळीला १५००ते १६०० रुपये प्रति क्विंटलचा दर मिळत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
