Jalgaon News: खानदेशात मागील आठ ते १० दिवसांत केळी आवकेत किंचित घट दिसत आहे. मध्य प्रदेशातील बऱ्हाणपूर जिल्ह्यातही केळीची स्थिर आहे. केळी दरात किंचित सुधारणा झाली असून, किमान ६०० व कमाल १२०० रुपये प्रति क्विंटलचा दर आहे. बऱ्हाणपुरात दर्जेदार केळीस कमाल १८०० रुपये प्रति क्विंटलचा दर सोमवारी (ता.१५) मिळाला आहे. .जळगाव जिल्ह्यात आगाप कांदेबाग केळी पिकात आवक कमी झाली आहे. कांदेबाग केळी पिकासाठी चोपडा, जळगाव, जामनेर, पाचोरा, भडगाव व यावल हा भाग पुढे होता. पण अलीकडे रावेर, मुक्ताईनगरातही आगाप कांदेबाग केळी पीक वाढले आहे..Banana Farming: केळी बागेत काटेकोर सिंचनासह कीड, रोग नियंत्रणावर भर.श्रावणमास, गणपती व सणासुदीच्या दिवसात केळीची काढणी व आवक अधिक होती. कांदेबाग केळीची रावेर, मुक्ताईनगरातही लागवड होऊ लागली आहे. पण केळीस उठाव कमी होता. उत्तरेकडे पूरस्थिती होती. यामुळे केळीची दरवाढ थांबली होती..Banana Rate: केळी दर निश्चिती बाबतप्रशासनाची चालढकल.केळीची आवक खानदेशात ऑगस्ट अखेरपर्यंत प्रतिदिन सरासरी १९५ ते २०० ट्रक (एक ट्रक १६ टन क्षमता) एवढी होती. परंतु अलीकडे ही आवक घटली असून, सध्या प्रति दिन १६५ ट्रकपर्यंत आवक आहे. रावेर, यावल व मुक्ताईनगरातील केळी आवक घटली आहे. यामुळे केळी दरवाढ दिसू लागली आहे..केळीचे किमान दर खानदेशात मध्यंतरी ४०० ते ५५० रुपये प्रति क्विंटल, असे होते. ते आता ६०० रुपयांवर आहेत. मध्य प्रदेशातील बऱ्हाणपुरातही केळी आवक सध्या प्रति दिन ३२९ ट्रकपर्यंत आहे. तेथे आवकेत मोठी वाढ नाही. तेथे लिलावातही केळी दर कमाल १८०० पर्यंत मिळत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
