Pune News: कर्नाटकात हमीभावाने एक लाख टन हरभरा खरेदीला केंद्र सरकारने मंजुरी दिली आहे. बाजारभाव कमी असल्याने कर्नाटक सरकारने हमीभाव खरेदीसाठी पाठपुरावा केला होता. महाराष्ट्रानेही कर्नाटकचा आदर्श घेऊन वेळेत हरभरा खरेदी सुरू करावी, अशी मागणी शेतकरी करत आहेत..कर्नाटकने यंदा सोयाबीन, मका आणि तुरीची खरेदी महाराष्ट्राच्या आधीच सुरू केली. कर्नाटकात तूर खरेदीची प्रक्रिया एक महिना आधीच सुरू झाली आहे. तर महाराष्ट्रात याच आठवड्यात नोंदणी सुरू झाली. आता हरभरा खरेदीचे उद्दिष्ट कर्नाटकने आधी मंजूर करून घेतले. खरेदीही लगेच सुरू होणार असल्याचे कर्नाटक सरकारने स्पष्ट केले आहे..त्यामुळे कर्नाटकमधील शेतकऱ्यांना काहीसा दिलासा मिळाला आहे. महाराष्ट्रातील बाजारांमध्येही आता नव्या हरभऱ्याची आवक सुरू झालेली आहे. आवकेचा दबाव पुढील दोन आठवड्यांपासून वाढणार आहे. भाव आधीच कमी आहेत. त्यामुळे महाराष्ट्र सरकारने कर्नाटकप्रमाणे तातडीने केंद्राकडून उद्दिष्ट मंजूर करून घ्यावे आणि तात्काळ खरेदी सुरू करावी, अशी शेतकऱ्यांची मागणी आहे..Chana Cultivation: वाणगाव परिसरात हरभरा लागवडीला वेग.कर्नाटक सरकारने शेतीमालाच्या हमीभाव खरेदीवरून केंद्र सरकारला हंगामाच्या सुरुवातीपासून कोंडीत पकडण्याची एकही संधी सोडलेली नाही. सोयाबीन, तूर, मका, कापूस या पिकांची खरेदी वेळेत सुरू व्हावी यासाठी कर्नाटकने आवकेचा हंगाम सुरू होण्याच्या आधीपासूनच पाठपुरावा केला होता. विशेष म्हणजे कर्नाटकात सोयाबीन, मका आणि तुरीची खरेदी आधी सुरू झाली. त्यानंतर महाराष्ट्रात खरेदीला परवानगी मिळालेली आहे..राज्यातील शेतकऱ्यांना चांगला भाव मिळावा यासाठी केंद्र सरकारच्या खरेदी धोरणावर कर्नाटकने सातत्याने टीका केली होती. हरभरा खरेदीवरूनही कर्नाटक सरकारने केंद्रावर टीकास्त्र सोडले होते. या पार्श्वभूमीवर केंद्रीय कृषिमंत्री शिवराजसिंह चौहान यांनी कर्नाटकात हरभरा खरेदीला मंजुरी दिली. त्यांनी यावेळी कर्नाटक सरकारला टोला लगावला. “राज्य सरकार केवळ खरेदीचे उद्दिष्ट मंजूर करून घेते पण ते साध्य करत नाही,” अशी टिप्पणी श्री. चौहान यांनी केली..Chana Cultivation: अठ्ठावीस लाख हेक्टरवर हरभऱ्याची लागवड.हरभऱ्याचा बाजारभावदेशात गुणवत्तापूर्ण हरभरा कमी प्रमाणात उपलब्ध आहे. त्यामुळे बाजारात नव्या हरभऱ्याचे भाव मागील काहीसे वाढले आहेत. सध्या बाजारात हरभऱ्याला प्रति क्विंटल ४ हजार ९०० ते ५ हजार २०० रुपयांचा भाव मिळत आहे. तर केंद्र सरकारने यंदा हरभऱ्याला ५ हजार ८७५ रुपये हमीभाव जाहीर केला. सध्याचा बाजारभाव हमीभावापेक्षा सरासरी ६०० ते ८०० रुपयांनी कमी आहे..उत्पादन वाढीचा अंदाजदेशात यंदा हरभऱ्याची लागवड पाच टक्क्यांनी वाढून ९६ लाख हेक्टरवर पोहोचली आहे. यंदा राजस्थान, मध्य प्रदेश आणि कर्नाटकमध्ये हरभरा लागवड वाढली आहे. तर महाराष्ट्रातील लागवड काहीशी कमी झाली आहे. तसेच यंदा हरभरा पिकासाठी पोषक हवामान आहे. त्यामुळे हरभरा उत्पादनात गेल्या वर्षीपेक्षा पाच ते सात टक्क्यांची वाढ होईल, असा अंदाज उद्योगांनी व्यक्त केला आहे. गेल्यावर्षी १११ लाख टन हरभरा उत्पादन झाले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
