Pune News: जम्मू काश्मीरमधील नैसर्गिक आपत्तीमुळे सफरचंदाचे नुकसान झाले आहे. तसेच महाराष्ट्रात येणारी वाहतूक खोळंबली आहे. परिणामी काही प्रमाणात आवक घटली असून, दर स्थिर असल्याची माहिती पुणे बाजार समितीमधील सफरचंदाचे प्रमुख आडतदार करण जाधव यांनी सांगितले. .जम्मू काश्मीर खोऱ्यात गेल्या १५ ते २० दिवसांपासून ढगफुटी, अतिवृष्टी, पूर, भूस्खलन आदी नैसर्गिक आपत्तींमुळे जनजीवन विस्कळीत झाले आहे. तर अनेक ठिकाणचे महामार्ग, रस्ते वाहून गेल्याने वाहतूक ठप्प झाली आहे..Apple Türkiye: तुर्कीच्या सफरचंद आयातीवर व्यापाऱ्यांचा बहिष्कार .पुणे बाजार समितीमध्ये काश्मीरमधून सुमारे ५ ते ६ ट्रक सफरचंदाची आवक होत असते. ती सध्या २ ते ३ ट्रक होत आहे. तर हिमाचल प्रदेशमधून सध्या लहान आकाराच्या सफरचंदाची २ ते ३ हजार पेट्या आवक होत आहे..Apple Farming Marathwada : मराठवाड्यात सफरचंद लागवडीचा प्रयोग.गणेशोत्सवाच्या निमित्ताने मुंबईमध्ये काही मोठ्या व्यापाऱ्यांनी आगाऊ मागणी करून, शीतगृहात साठा करून ठेवला होता. तोच साठा सध्या वापरात आहे. मात्र गौरी गणपतीचा सण आता संपत आला असल्याने मागणी देखील कमी झाल्याने दर स्थिर असल्याचे जाधव यांनी सांगितले..दरम्यान काश्मीरमध्ये सफरचंदाचा सुरळीत हंगाम आणखी १५ दिवसांनी सुरू होणार आहे. नैसर्गिक आपत्तीमुळे काश्मीरमधील व्यापाऱ्यांनी दर्जेदार सफरचंदाची शीतगृहात साठवणूक केली आहे. ही साठवणूक केलेली सफरचंद १५ सप्टेंबर नंतर महाराष्ट्रात आवक सुरू होईल. ही आवक मोठ्या प्रमाणावर राहण्याची शक्यता आहे. परिणामी आवक मोठ्या प्रमाणावर झाल्यास दर कमी होण्याची शक्यता जाधव यांनी व्यक्त केली..असे आहेत दरहिमाचल २० ते २२ किलो ८००-२०००काश्मीर १० किलो १०००-१३००.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
