Nashik News: यंदा अतिवृष्टी आणि मान्सूनोत्तर पावसाचा मोठा फटका फलोत्पादन क्षेत्राला बसला. त्यामध्ये ‘’अॅपल बोर’’ उत्पादन देखील घटले आहे. दरवर्षी नोव्हेंबरपासून जानेवारीपर्यंत बाजारपेठेत बोरांची मोठी रेलचेल असते; मात्र यंदा उत्पादनात मोठी घट झाल्याने बाजारपेठांमधील आवक ४० ते ५० टक्क्यांपर्यंत कमी आहे. आवक घटल्याने किलोमागे १० ते १५ रुपयांनी सुधारणा आहे. सध्या बाजारात प्रतिकिलो सरासरी ३० ते ३५ रुपये प्रतिकिलोचा दर मिळत आहे..सोलापूर, नाशिक, अहिल्यानगर, धुळे, छत्रपती संभाजीनगर आणि पुणे या जिल्ह्यांमध्ये शेतकऱ्यांनी पारंपरिक पिकांऐवजी अॅपल बोर लागवडी केल्या आहेत. मात्र, यंदा ऐन फुलोऱ्याच्या आणि फळधारणेच्या काळात झालेल्या अतिवृष्टीमुळे मोठे नुकसान झाले. तसेच बागांमध्ये पाणी साचल्याने फळांच्या गुणवत्तेवरही परिणाम झाला. यामुळे बागायतदारांच्या हाती पडणारे उत्पादन यंदा निम्म्याने घटले आहे. परिणामी, गेल्या वर्षीच्या तुलनेत यंदा बाजारात मागणी जास्त आणि पुरवठा कमी अशी स्थिती दिसून येत आहे..Agrowon Podcast: कांदा दर नरमले; सोयाबीन- कापूस दर टिकून, मक्याचे दर स्थिर तर आल्याला उठाव.दरात वाढ; मात्र उत्पन्न जैसे थेमागील वर्षी आवक भरपूर असल्याने २० ते २५ रुपये किलोप्रमाणे विक्री होती. मात्र यंदा आवक घटल्याने सरासरी प्रतिकिलो ३० ते ३५ रुपये आणि दर्जेदार मालाला ४० रुपयांपर्यंत दर मिळत आहे. बाजारात हंगामी फळांना मोठी मागणी असते..दरवाढ दिसून येत असली तरी उत्पादन ५० टक्के घटल्याने उत्पन्नात वाढ नसल्याचे चित्र आहे. नाशिक कृषी उत्पन्न बाजार समितीच्या फळबाजार आवारात मागील महिन्यात बोरांची ३,१७० क्विंटल आवक झाली. किमान २,००० रुपये, तर कमाल ४,००० रुपये आणि सरासरी ३,५०० रुपये दर प्रति क्विंटल मिळाले. मागील वर्षी हेच दर किलोमागे किमान १७, कमाल २५, तर सरासरी २० रुपये होते..Bedana Price: बेदाण्यात किलोमागे १५ ते २० रुपयांची वाढ.यंदा परतीच्या पावसाने फुलोऱ्याचे नुकसान केले. झाडांवर फळांची संख्या कमी आहे. आवक कमी असल्याने सध्या ३० ते ३५ रुपये किलोचा दर मिळत आहे, पण उत्पादनातील घटीमुळे एकूण खर्च निघणे कठीण झाले आहे.जगन्नाथ देवगिरे, शेतकरी, पिंपळगाव धनगरवाडी, ता.सिन्नर.मागील वर्षी उत्पादन मुबलक असल्याने व्यापारी शोधावे लागत होते. यंदा उत्पादन घटल्याने व्यापारी मालाच्या खरेदीसाठी बांधावर येत असून दरातदेखील स्पर्धा आहे. व्यापारी मालाची मागणी करत आहेत; मात्र उत्पादन कमी असल्याने मागणीप्रमाणे यंदा पुरवठा होत नसल्याचे चित्र आहे.हरिभाऊ दाते शेतकरी जळगाव नेऊर, ता.येवला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
