Amaravati News: कुक्कुट खाद्य आणि इथेनॉल निर्मितीमध्ये वापर वाढल्यामुळे मक्याला चांगली मागणी होती. यातून मक्याचे दरही देशभरात तेजीत आले होते. मात्र आता परिस्थिती बदलली असून मागणी अभावी मक्याचे दर दबावात आल्याचे चित्र आहे. अमरावती जिल्ह्यातील चांदूर (बाजार) बाजार समितीमध्ये रोजची मका आवक ५००० क्विंटलच्या पुढे गेली आहे..अमरावती बाजार समितीचा विचार करता या बाजार समितीमध्ये सद्यःस्थितीत रोज सरासरी ८५० ते १००० क्विंटल इतकी मका आवक होत असल्याचे सांगण्यात आले. अमरावती बाजार समितीमध्ये मक्याचे दर १५०० ते १७०० याप्रमाणे आहेत. सध्या मागणी अभावी दर दबावात असल्याची माहिती बाजार समिती सूत्रांनी दिली..Maize Procurement: कर्नाटक सरकार प्रत्येक शेतकऱ्याकडून ५ क्विंटल मका खरेदी करणार.अमरावती जिल्ह्याच्या मेळघाट परिसरात गेल्या काही वर्षांत मका लागवडीवर भर दिला आहे. परिणामी मका लागवड क्षेत्रात मोठी वाढ झाल्याचे सांगितले जाते. गेल्या काही वर्षांत मका पिकाला हमीभावापेक्षा अधिक दर मिळाला त्याचाही परिणाम लागवड क्षेत्रावर झाला.Maize Price Protest: मक्याचे दर पडल्याने नामपुरात ‘रयत क्रांती’चा रास्ता रोको.यंदा मात्र मक्याचे दर हमीभावापेक्षा कमी आहेत. २०२४-२५ या हंगामात २२२५ असा हमीभाव मक्याला होता. २०२५-२६ या वर्षात हमीभावात १७५ रुपयांची वाढ करून २४०० रुपये प्रति क्विंटल असा दर निश्चित करण्यात आला आहे..दरवर्षी हंगामात मक्याची विक्रमी आवक होते. मेळघाट सारख्या आदिवासीबहुल भागातून शेतकरी मका विक्रीसाठी आणतात. सध्या रोज सरासरी ५००० क्विंटल इतकी आवक असून त्यात येत्या काळात वाढ होण्याची शक्यता आहे. शेतकऱ्यांना चुकारे तत्काळ केले जातात. त्यामुळे शेतकऱ्यांचा विश्वास बाजार समितीने संपादन केला आहे.मनीष भारंबे, सचिव बाजार समिती, चांदुर बाजार, अमरावती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
