Maharashtra Market Update: पावसाने दीर्घकाळ दडी मारल्याने खरीप पिकांच्या उत्पादनाबाबत चिंता वाढली आहे. त्याचा परिणाम कडधान्यांच्या बाजारावरही दिसून येत आहे. अकोला कृषी उत्पन्न बाजार समितीत तूर आणि हरभऱ्याच्या दरात वाढ झाली आहे. मंगळवारी (ता. ९) तुरीला कमाल ८८०० रुपये, तर हरभऱ्याला कमाल ६२०५ रुपये प्रति क्विंटल दर मिळाला..तुरीला बाजारात किमान ६५०० रुपये, कमाल ८८०० रुपये, तर सरासरी ८४०० रुपये प्रति क्विंटल दर मिळाला. तुरीची आवक सध्या सरासरी ९०० क्विंटलच्या आसपास होत आहे. हरभऱ्यालाही चांगला दर मिळत असून, किमान ५५६०, कमाल ६२०५ आणि सरासरी ५८१५ रुपये प्रति क्विंटल दराने विक्री झाली..Agrowon Podcast: हरभरा दरात सुधारणा, मूग आवकेत वाढ, पालक दरात बदल, फ्लॉवर दरात चढ-उतार तर पेरूचे दर टिकून.यंदा पावसाचा खंड वाढत चालल्याने सोयाबीन आणि कपाशीबरोबरच तुरीच्या पिकावरही परिणाम होण्याची शक्यता आहे. तूर पीक वाढीच्या अवस्थेत असताना पावसाचा मोठा खंड पडल्याने पिकाची वाढ खुंटली आहे. त्यामुळे तुरीच्या उत्पादनात घट होण्याची शक्यता व्यक्त केली जात आहे. तूर बाजारात येण्यासाठी अद्याप बराच कालावधी असल्याने सध्याच्या पिकाच्या स्थितीकडे व्यापारी आणि बाजारातील जाणकारांचे लक्ष आहे..Moong Market Price: खानदेशात नव्या मुगाला कमाल ९८०० रुपये भाव.हरभऱ्याच्या पिकाचीही परिस्थिती फारशी वेगळी नाही. कमी पावसाने आगामी रब्बीच्या भवितव्यावरही प्रश्नचिन्ह उपस्थित होत आहेत. आगामी उत्पादनाबाबत अनिश्चितता असल्याने बाजारात कडधान्यांच्या दराला आधार मिळत आहे. सध्याची आवक आणि उपलब्ध साठा लक्षात घेता तुरीचे दर आणखी वाढण्याची शक्यता बाजारातील जाणकारांकडून व्यक्त केली जात आहे..दरवाढीमागील प्रमुख कारणे- पावसाचा दीर्घ खंड आणि पिकांच्या वाढीवर झालेला परिणाम.- तुरीच्या उत्पादनात घट होण्याची शक्यता.- नवीन तूर बाजारात येण्यास अद्याप कालावधी.- आगामी उत्पादनाचा अंदाज लक्षात घेऊन व्यापारी आणि बाजारातील हालचाली.- कडधान्यांच्या दरात आणखी वाढ होण्याची शक्यता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
