Pune News: अमेरिकेने ५० टक्के आयात शुल्क लावल्यानंतरही भारताची शेतीमाल निर्यात वाढली आहे. भारताने शेतीमाल निर्यातीत ९ टक्के वाढ केली आहे. भारतातून बिगर बासमती तांदूळ, फळे आणि भाजीपाला, सागरी उत्पादने, कॉफी आणि म्हशीच्या मांसाच्या निर्यातीत लक्षणीय वाढ झाली आहे. अमेरिकेव्यतिरिक्त इतर बाजारपेठांमध्ये निर्यात वाढली आहे..अमेरिकेचे राष्ट्राध्यक्ष डोनाल्ड ट्रम्प यांनी भारताच्या शेतीमाल आणि वस्तू आयातीवर ५० टक्के शुल्क लावले होते. भारताने जीएम पिकांसाठी आणि डेअरी उत्पादनांसाठी आपली बाजारपेठ खुली करावी, यासाठी ट्रम्प यांनी दबाव वाढवला. पण भारत सरकारने दबावाला न जुमानता आपल्या निर्यातीसाठी इतर बाजार विकसित करण्यावर भर दिला. त्यामुळे अमेरिकेने बंधने टाकलेली असतानाही भारताने शेतीमाल निर्यातीत लक्षणीय कामगिरी केली आहे..US Impoty Tarrif: प्रत्येक देशावर आयात शुल्क लादण्याचा अधिकार ट्रम्प यांना नाही.एप्रिल ते सप्टेंबर या ६ महिन्यांमध्ये भारताने २ हजार ५९० कोटी डॉलरची शेतीमाल निर्यात केली. तर याच काळात मागीलवर्षी २ हजार ३८० कोटी डॉलरची निर्यात केली होती. म्हणजेच यंदाच्या सहामाहीत शेतीमाल निर्यातीत जवळपास ९ टक्क्यांची वाढ झाली आहे. विशेष म्हणजे भारताच्या एकूण निर्यात शेतीमाल निर्यातीची वाढ जास्त आहे. एकूण वस्तू निर्यात केवळ २.९ टक्क्यांनी वाढली आहे..Turmeric Export: पाच महिन्यांत हळदीची ८० हजार टन निर्यात.चीनने आयात वाढवलीभारताच्या निर्यातीत चीनला होणारी निर्यात जास्त आहे. दर महिन्याला चीनला होणारी निर्यात वाढत आहे. ऑक्टोबर महिन्यात ४२ टक्क्यांची वाढ नोंदली गेली. पेट्रोलियम उत्पादने, दूरसंचार साधने आणि सागरी उत्पादनांची निर्यात वाढत आहे..सागरी उत्पादने निर्यातीची झेपदेशातील उत्पादन वाढल्यानंतर केंद्र सरकारने बिगर बासमती तांदूळ निर्यात खुली केली. त्यामुळे बिगर बासमती तांदळाची निर्यात विक्रमी पातळीवर पोचण्याची शक्यता आहे. म्हशीच्या मांसाची निर्यातही यंदा विक्रमी पातळीवर होण्याची चिन्हे आहेत. यापूर्वी २०१४-१५ मध्ये ४८० कोटी डॉलरची निर्यात झाली होती. तर सागरी उत्पादनांची निर्यात यंदाच्या सहामाहीत तब्बल १७ टक्क्यांनी वाढली आहे. अमेरिकेने भारताच्या सागरी उत्पादने आयातीवर ५८ टक्के शुल्क लावल्यानंतर चीन, व्हिएतनाम, जपान, थायलंड, युरोपियन युनियन आणि कॅनडाला निर्यात वाढली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
