शेळीचे दूध पचायला हलके का असते ?

दुधात असणाऱ्या विविध घटकांच्या संतुलित प्रमाणामुळे दुधाला आपण पुर्णान्न म्हणत असतो. शरीराच्या वाढीसाठी आवश्यक असणारे सर्व घटक जसे की,कि प्रथिने, खनिजे, जीवनसत्वे आणि स्निग्ध पदार्थ दुधात योग्य प्रमाणात असतात.

दुधात असणारे स्निग्ध पदार्थ आणि सॉलिड नॉट फॅट यांच्या प्रमाणावरून दुधाची किमंत ठरविली जाते. स्निग्ध पदार्थांमधून मिळणाऱ्या उर्जेचे प्रमाण प्रथिने आणि कर्बोदकाच्या दुप्पट असते.

एक कप गायीच्या दुधात १४८ कॅलरीज असतात तर म्हशीच्या दुधात २३७ कॅलरीज असतात. गायी म्हशींपासून मिळणाऱ्या दुधात सारखेच घटक हे कमी अधिक प्रमाणत आढळून येतात.

शेळीच्या दुधातील फॅटच्या कणांचा आकार इतर प्राण्यांच्या दुधातील फॅटच्या आकारापेक्षा लहान असतो. यामुळेच शेळीच्या दुधाला नॅचरल होमोजिनाईझ मिल्क असे म्हटले जाते.