Pune News : राज्याच्या काही भागात काल म्हणजेच शुक्रवारी पावसाने चांगली हजेरी लावली. पण बहुतांशी भागात पाऊस नव्हता. आज सकाळीही काही भागात ढगाळ वातावरण होते. आज काही ठिकाणी हलक्या पावसाचा अंदाज हवामान विभागाने दिला.

काल राज्याच्या काही भागात हलक्या ते मध्यम पावसाने हजेरी लावली होती. त्यामुळे आज आपल्या भागात पाऊस पडेल, याची वाट शेतकरी पाहत होते. पण आज सकाळपासूनच उन्हाचा चटका जाणवत होता.

सकाळी हवेतील गारवादेखील वाढला आहे. तर हवामान विभागाने आज सिंधुदूर्ग जिल्ह्यात विजा आणि ढगांच्या गडगडाटासह हलक्या पावसाचा येलो अलर्ट दिला. तर यावेळी ३० ते ४० किलोमीटर प्रतितास वेगाने वारे वाहतील, असाही अंदाज दिला. तसेच रत्नागिरी जिल्ह्यात काही ठिकाणी हलक्या सरी पडतील, अशी शक्यताही वर्तविली.

राज्याच्या काही भागात काल म्हणजेच शुक्रवारी सायंकाळी अनेक ठिकाणी हलक्या ते मध्यम पावसाने हजेरी लावली होती. रात्रीही काही भागात पाऊस झाला. कोकण आणि मध्य महाराष्ट्रात काही ठिकाणी चांगल्या सरी पडल्या. तर काही ठिकाणी हलका पाऊस झाला. तर राज्यात काल दिवसभर ढगाळ वातावरण होते. पण आज दुपारी बहुतांशी भागात उन्हाचा चटका पुन्हा वाढला होता.