Pune News : राज्याच्या किमान तापमानात घट होऊ लागल्याने थंडीची चाहूल लागली आहे. विदर्भ उत्तर महाराष्ट्रासह राज्याच्या उत्तरेकडील भागात गारठा वाढला असला तरी दक्षिणेकडील जिल्ह्यात मात्र गुलाबी थंडीची प्रतिक्षा आहे. यंदा डिसेंबर महिना निम्मा उलटूनही अपेक्षित थंडी अनुभवायला मिळेलेली नाही.

नैर्ऋत्य अरबी समुद्रात समुद्र सपाटीपासून १.५ किलोमीटर उंचीवर चक्राकार वाऱ्यांची स्थिती कायम आहे. राज्यात उन्हाचा चटका अनुभवायला मिळत असून, काही ठिकाणी ढगाळ हवामान झाल्याचे दिसून येत आहे. आज (ता. १५) राज्याच्या कमाल आणि किमान तापमानातील वाढ-घट कायम राहण्याचे संकेत आहेत.

कमाल तापमानात हळूहळू घट होत असून, गुरूवारी (ता. १४) सकाळपर्यंतच्या २४ तासांमध्ये रत्नागिरी येथे उच्चांकी ३३ अंश सेल्सिअस तापमान नोंदले गेले. उर्वरित राज्यात बुहतांश ठिकाणी कमाल तापमान २४ ते ३२ अंशांच्या दरम्यान होते. तर निफाड येथील गहू संशोधन केंद्रात राज्यातील नीचांकी १२.५ अंश सेल्सिअस किमान तापमानाची नोंद झाली.

गुरूवारी (ता. १४) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३०.७ (१४.०), जळगाव २९.५ (१५.०), कोल्हापूर २९.७ (१७.५), महाबळेश्वर २६.३ (१३.५), नाशिक २८.८ (१४.२), निफाड २९.४ (१२.५), सांगली २९.६ (१७.१), सातारा ३०.२ (३०.२), सोलापूर ३२.०(१७.८), सांताक्रूझ ३२.४ (२०.५), डहाणू ३०.५ (२०.६), रत्नागिरी ३३.० (२१.५),

छत्रपती संभाजीनगर २८.० (१४.६), नांदेड २९.२ (१६.६), परभणी २८.७ (१५.५), अकोला ३१.० (१७.२), अमरावती २८.८ (१५.३), बुलढाणा २८.६ (१५.०), ब्रह्मपूरी ३१.५ (१५.१), चंद्रपूर २८.४(१३.६), गडचिरोली २८.६ (१३.६), गोंदिया २७.४ (१३.२), नागपूर २८.७(१४.४), वर्धा २८.५(१६.०), वाशीम २८.५ (१४.६), यवतमाळ ३०.७ (१६.५).