Pune News: राज्यात पावसाचा लपंडाव सुरू आहे. कोकण, मध्य महाराष्ट्रात ऊन सावल्यांचा खेळ सुरू आहे. तर मराठवाडा आणि विदर्भात मात्र पावसाची उघडीप आहे. विदर्भात उन्हाचे चटके बसत आहेत. तर उत्तर महाराष्ट्रातही ताप वाढली आहे. आज (ता. १०) राज्यात तुरळक ठिकाणी विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे.

दक्षिण महाराष्ट्रापासून अंतर्गत कर्नाटक पर्यंत हवेचा कमी दाबाचा पट्टा सक्रिय आहे. विदर्भात कमाल तापमान वाढल्याने पारा चाळीशीपार गेला आहे. सोमवारी (ता. ९) सकाळपर्यंतच्या २४ तासांमध्ये विदर्भातील ब्रह्मपुरी येथे राज्यातील उच्चांकी ४३.६ अंश तापमानाची नोंद झाली. ‎‎नागपूर, गोंदिया, चंद्रपूर, अमरावती, ‎वर्धा, अकोला, ‎यवतमाळ आणि उत्तर महाराष्ट्रातील जळगाव येथे पारा चाळिशीपार होता.

आज (ता. १०) राज्यात विजासंह पावसाचा अंदाज कायम आहे. मध्य महाराष्ट्रातील अहिल्यानगर, पुणे, सांगली, सोलापूर, मराठवाड्यातील बीड, धाराशिव, विदर्भातील वर्धा, नागपूर, भंडारा, गोंदिया,

चंद्रपूर, गडचिरोली जिल्ह्यात विजासंह वादळी पावसाचा अंदाज असल्याने सतर्कतेचा इशारा (येलो अलर्ट) देण्यात आला आहे.

मॉन्सूनची वाटचाल स्थिर

यंदा वेगाने प्रगती करत मे महिन्यात महाराष्ट्रात धडक देणाऱ्या नैॡत्य मोसमी वाऱ्यांनी (मॉन्सून) वाटचाल जवळपास दोन आठवड्यांपासून थांबली आहे. महाराष्ट्रातील मुंबई, अहिल्यानगर, बीड, परभणी, हिंगोली, नांदेड, यवतमाळ, चंद्रपूर आणि गडचिरोली जिल्ह्यांच्या काही भागात २६ मेपर्यंत मजल मारली. त्यानंतर मॉन्सूनची वाटचाल स्थिर आहे.

सोमवारी (ता. ९) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---३२.२---२३.८

‎‎धुळे---३७.०---२१.०

जळगाव---४०.३---२७.६

जेऊर---३२.०---२२.०

‎‎कोल्हापूर---३२.१---२२.९

‎महाबळेश्वर---२४.७---१८.२

मालेगाव---३७.४---२३.०

नाशिक---३१.८---२४.०

‎निफाड---३४.२---२३.९

‎सांगली---३३.०---२२.६

‎सातारा---३२.२---२३.३

‎सोलापूर---३६.०---२३.४

‎सांताक्रूझ---३३.१---२८.५

डहाणू---३४.३---२८.०

‎रत्नागिरी---३१.९---२४.३

‎छत्रपती संभाजीनगर---३७.५---२४.८

‎धाराशिव---३३.४---२०.०

‎परभणी---३८.०---२६.७

परभणी (कृषी)---३८.५---२४.३

‎‎अकोला---४१.२---२८.२

अमरावती---४१.६---२७.१

‎‎‎बुलडाणा---३६.४---२५.२

ब्रह्मपुरी---४३.६---२७.५

‎चंद्रपूर---४२.०---२५.०

‎गडचिरोली---३९.८---२५.२

‎गोंदिया---४२.१---२८.०

‎नागपूर---४३.०---२६.८

‎वर्धा---४१.५---२९.२

‎वाशीम---३६.८---२५.६

‎यवतमाळ---४०.६---२९.०

विजांसह वादळी पावसाची शक्यता (येलो अलर्ट) :

अहिल्यानगर, पुणे, सांगली, सोलापूर, बीड, धाराशिव, वर्धा, नागपूर, भंडारा, गोंदिया,चंद्रपूर, गडचिरोली.

४० अंशांपेक्षा अधिक तापमान असलेली ठिकाणे :

‎‎‎‎ब्रह्मपुरी ४३.६, ‎नागपूर ४३, ‎गोंदिया ४२.१, ‎चंद्रपूर ४२, अमरावती ४१.६, ‎वर्धा ४१.५, अकोला ४१.२, ‎यवतमाळ ४०.६, जळगाव ४०.३.