Pune News: तापमानाचा पारा ४२ अंशांवर गेल्याने राज्यात होरपळ वाढली आहे. यातच महाराष्ट्रावर वादळी पावसाचे ढगांचे सावट असून, आज (ता. १) मध्य महाराष्ट्र, मराठवाड्यात वादळी पाऊस आणि गारपीट होण्यात अंदाज असल्याने दक्षतेचा इशारा (ऑरेंज अलर्ट) आहे. कोकण, मध्य महाराष्ट्र आणि विदर्भात वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.

मराठवाडा आणि परिसरावर चक्राकार वारे वाहत आहेत. दक्षिण छत्तीसगडपासून विदर्भ, मध्य महाराष्ट्रापर्यंत, तसेच मराठवाड्यातील चक्राकार वाऱ्यांपासून उत्तर तमिळनाडूपर्यंत हवेचा कमी दाबाचा पट्टा सक्रिय आहे. या प्रणालीमुळे अरबी समुद्र आणि बंगालच्या उपसागरावरील बाष्पयुक्त वाऱ्यांचा संगम होत असल्याने राज्यात वादळी पाऊस आणि गारपिटीला पोषक वातावरण तयार होत आहे.

दरम्यान सोमवारी (ता. ३१) सकाळपर्यंतच्या २४ तासांत चंद्रपूर येथे देशातील उच्चांकी ४२.४ अंश सेल्सिअस तापमानाची नोंद झाली. अकोला व ब्रह्मपुरी येथे ४२ अंशांपेक्षा अधिक तर गडचिरोली, अमरावती, नागपूर, वर्धा, यवतमाळ, सोलापूर, जेऊर येथे ४१ अंशांपेक्षा अधिक तापमानाची नोंद झाली. ढगाळ आकाशामुळे उकाड्यातील वाढ कायम आहे.

आज (ता. १) मध्य महाराष्ट्रातील जळगाव, नाशिक, अहिल्यानगर, पुणे आणि मराठवाड्यातील छत्रपती संभाजीनगर आणि जालना जिल्ह्यांत वादळी पाऊस गारपिटीची शक्यता असल्याने दक्षतेचा इशारा (ऑरेंज अलर्ट) देण्यात आला आहे. कोकणातील ठाणे, रायगड, रत्नागिरी, सिंधुदुर्ग, मध्य महाराष्ट्रातील नंदुरबार, धुळे, सातारा, सांगली, कोल्हापूर, विदर्भातील बुलडाणा, अकोला, वाशीम, अमरावती जिल्ह्यात वादळी पावसाच्या अंदाजामुळे सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात कमाल तापमानातील वाढ कायम राहण्याचा अंदाज आहे.

सोमवारी (ता. ३१) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---३९.०---२१.२

अहिल्यानगर---निरंक---२५.४

धुळे---३९.०---१७.०

जळगाव---४०.२---२०.१

जेऊर---४१.०---२४.०

कोल्हापूर---३८.१---२४.७

महाबळेश्वर---३३.५---२०.४

मालेगाव---३६.८---२०.८

नाशिक---३९.२---२२.७

निफाड---३८.९---२०.२

सांगली---३७.५---२५.६

सातारा---३९.१---२४.१

सोलापूर---४१.१---२७.६

सांताक्रूझ---३५.०---२४.०

डहाणू---३२.७---२६.०

रत्नागिरी---३२.५---२५.२

छत्रपती संभाजीनगर---३९.०---२६.२

धाराशिव---३८.७---२५.०

परभणी---३९.९---२५.५

परभणी (कृषी)---३९.९---२५.५

अकोला---४२.३---२४.०

अमरावती---४१.२---२३.६

भंडारा---३९.६---२२.०

बुलडाणा---३८.८---निरंक

ब्रह्मपुरी---४२.२---२२.१

चंद्रपूर---४२.४---निरंक

गडचिरोली---४१.४---२०.६

गोंदिया---३८.८---१९.६

नागपूर---४१.२---२१.०

वर्धा---४१.२---२२.५

वाशीम---३९.८---निरंक

यवतमाळ---४१.२---२४.०

सरासरी तापमान (अंश से.)

विभाग---किमान---कमाल

विदर्भ---१९.६---४२.४

मराठवाडा---२५.०---३९.९

पश्‍चिम महाराष्ट्र---२०.४---४१.१

उत्तर महाराष्ट्र---१७.०---४०.२

कोकण---२४.०---३५.०

वादळी पाऊस, गारपिटीचा इशारा (ऑरेंज अलर्ट) :

जळगाव, नाशिक, अहिल्यानगर, पुणे, छत्रपती संभाजीनगर, जालना.

वादळी पावसाचा इशारा (येलो अलर्ट) :

ठाणे, रायगड, रत्नागिरी, सिंधुदुर्ग, नंदुरबार, धुळे, सातारा, सांगली, कोल्हापूर, बुलडाणा, अकोला, वाशीम, अमरावती.

४२ अंशापेक्षा अधिक तापमान असलेली ठिकाणे : चंद्रपूर ४२.४, अकोला ४२.३, ब्रह्मपुरी ४२.२.